அச்சுதானந்தன் மறைவு: குடியரசுத் தலைவர், பிரதமர், முதல்வர் இரங்கல்

கேரள முன்னாள் முதல்வர் வி.எஸ். அச்சுதானந்தன் மறைவுக்கு குடியரசுத் தலைவர், பிரதமர், முதல்வர்கள் உள்ளிட்டோர் இரங்கல் தெரிவித்துள்ளனர்.

- 

புது தில்லி/சென்னை, ஜூலை 21:

குடியரசுத் தலைவர் திரௌபதி முர்மு: தனது நீண்டகால பொதுவாழ்வில் அடித்தட்டு மக்களின் நலனுக்காகவும், கேரள வளர்ச்சிக்கும் பாடுபட்டவர் முன்னாள் முதல்வர் அச்சுதானந்தன்.

பிரதமர் மோடி: பொதுமக்களின் சேவைக்காகவும், கேரளத்தின் வளர்ச்சிக்காகவும் தனது வாழ்நாளின் பல ஆண்டுகளை மறைந்த முன்னாள் முதல்வர் வி.எஸ்.அச்சுதானந்தன் அர்ப்பணித்தார்.

ராகுல் காந்தி: நீதிக்கும், ஜனநாயகத்துக்கும் தொடர் குரல் கொடுத்து வந்த அச்சுதானந்தன், ஏழைகளின் சாம்பியனாக திகழ்ந்து அவர்களின் வாழ்க்கை மேம்பட அரசியல் ரீதியாக பல துணிச்சலான முடிவுகளை எடுத்தார்.

கேரள முதல்வர் பினராயி விஜயன்: தலைசிறந்த கம்யூனிஸ்ட் தலைவரை இழந்துவிட்டோம், அவரது இடத்தை யாராலும் நிரப்ப முடியாது.