வானம் ஊன்றிய மதலை

விளக்கங்கள், அந்தக் காலத்தில் தமிழகத்தின் தொண்டை நாட்டில் இருந்துள்ளன. அந்தக் கலங்கரை விளக்கத்தின் உச்சியில் மேற்கூரை அமைக்கப்படவில்லை. அங்கே பெரிய தீப்பந்தம் இரவில் எரிந்திருக்கிறது.

- முகிலை இராசபாண்டியன்

உலக வரலாற்றில் முதன்முதலில் கலங்கரை விளக்கத்தை ஹென்றி வின்ஸ்டான்லி என்னும் இங்கிலாந்துக்காரர் கண்டுபிடித்ததாக அறிய முடிகிறது. அவர், 1696-இல் தொடங்கி 1698 வரை ஆய்வு மேற்கொண்டு அந்த ஆய்வின் நிறைவாக கலங்கரை விளக்கத்தை உலகத்துக்கு அறிமுகம் செய்துள்ளார்.

பெருங்கப்பல் வணிகரான இவரிடம் ஐந்து கப்பல்கள் இருந்துள்ளன. அவற்றில் இரண்டு கப்பல்கள் இங்கிலாந்து கடலில் உள்ள எட்டி ஸ்டோன் என்னும் பதினைந்து கிலோ மீட்டர் நீளம் உள்ள கடல் பாறையில் மோதி அழிந்து விட்டன.

தனது இரண்டு கப்பல்கள் பாறையில் மோதி அழிந்ததைக் கண்ட ஹென்றி வின்ஸ்டான்லி அங்கே பாறை இருப்பதைக் கப்பலுக்குத் தெரிவிக்க விரும்பினார். அதற்காக அவர் ஒரு கலங்கரை விளக்கத்தை உருவாக்க விரும்பி, அவர் அதனை எட்டி ஸ்டோன் பாறை மீதே உருவாக்கினார். கல்லாலும் மரத்தாலும் கட்டப்பட்ட இந்தக் கலங்கரை விளக்கத்தின் உச்சியில் கண்ணாடிகளைப் பொருத்தி அதில் மெழுகுத் திரிகளை எரிய வைத்தார். இந்த கலங்கரை விளக்கம்தான் முதல் கலங்கரை விளக்கம்.

சங்க காலக் கலங்கரை விளக்கம்:
இரண்டாயிரம் ஆண்டுகளுக்கு முன்பே தமிழகத்தில் கலங்கரை விளக்கங்கள் அமைக்கப்பட்டிருந்ததை நமது இலக்கியங்கள் தெரிவிக்கின்றன.

"வானம் ஊன்றிய மதலை போல
ஏணி சாத்திய ஏற்றருஞ் சென்னி
விண்பொர நிவந்த வேயா மாடத்து
இரவில் மாட்டிய இலங்குசுடர் ஞெகிழி
உரவு நீர் அழுவத்து ஓடு
கலம் கரையும் துறை"