കൊള്ളാമോ കുള്ളൻനേന്ത്രൻ

സംസ്ഥാനത്തു പ്രചാരം നേടുന്ന നേന്ത്രൻ ഇനമായ മഞ്ചേരിക്കുള്ളൻ കർഷകർക്കു നേട്ടം നൽകുമോ

- ജെ. ജോസഫ്

 ഇന്നു സംസ്ഥാനത്ത് ഏറ്റവും പ്രചാരമുള്ള വിളകളിൽ മുൻനിരയിലുണ്ട് നേന്ത്രവാഴ. നമ്മുടെ സ്വാശ്രയ വിപണികളിലേക്കും ആഴ്ചചന്തകളിലേക്കും നോക്കിയാലറിയാം ഈ മാറ്റം; നിറയെ നേന്ത്രവാഴക്കുലകൾ. മാസങ്ങ ളായി തുടരുന്ന മികച്ച വില തന്നെയാണ് നേന്ത്രവാഴയിലേക്ക് കർഷകരെ ആകർഷിക്കുന്നത്. മഞ്ചേരിക്കുള്ളൻ എന്ന നേന്ത്രൻ ഇനം കർഷകരിൽ താൽപര്യമുണർത്തുന്നതും ഈ സാഹചര്യത്തിൽത്തന്നെ.

കുറഞ്ഞ കാലത്തിനുള്ളിൽ കുല വെട്ടാമെന്നതും ഉയരം കുറവായതിനാൽ താങ്ങുകാൽ ആവശ്യമില്ലെന്നതും മഞ്ചേരിക്കുള്ളന്റെ നേട്ടമായി കർഷകർ കാണുന്നു. എന്നാൽ, സാധാരണ നേന്ത്രനു നൽകുന്ന വളപ്രയോഗവും പരിപാലനവുമെല്ലാം നൽകുമ്പോഴും കുല ശരാശരി 10 കിലോയിൽ ഒതുങ്ങുമെന്നത് ഈയിനത്തിന്റെ ന്യൂനതയായി ചൂണ്ടിക്കാട്ടുന്നവരുമുണ്ട്. ഏതായാലും കാലാവസ്ഥാമാറ്റമുണ്ടാക്കുന്ന അനിശ്ചിതത്വങ്ങൾക്കിടയിൽ ഒരു വർഷത്തോളം നീളുന്ന നിലവിലെ നേന്ത്രവാഴ കൃഷി "റിസ്ക് തന്നെയെന്ന് കർഷകർ. എപ്പോൾ വേണമെങ്കിലും വരൾച്ചയും പ്രളയവുമൊക്ക് പ്രതീക്ഷിക്കാവുന്ന സാഹചര്യത്തിലാണ് മഞ്ചേരിക്കുള്ളനു സ്വീകാര്യതയേറുന്നത്.

കണ്ണാറയിൽ കണ്ടത്