പുതിയ ഉയരം തേടി ഹിമാലയൻ

പേരിൽ മാത്രമേ പുതിയ ഹിമാലയനു പഴയ മോഡലുമായി ബന്ധമുള്ളൂ. 452 സിസി ഓയിൽകൂൾഡ് എൻജിനടക്കം വൻ മാറ്റങ്ങളുമായാണു വരവ്

- നോബിൾ

അഡ്വഞ്ചർ ടൂറർ വിഭാഗത്തിൽ റോയൽ എൻഫീൽഡ് ഹിമാലയനോളം പേരും പ്രശസ്തിയും സ്വീകാര്യതയും കിട്ടിയ മറ്റൊരു മോഡൽ ഇല്ലെന്നുതന്നെ പറയാം. 2016ലാണ് ഹിമാലയൻ നിരത്തിലെത്തുന്നത്. എതിരാളികൾ കിണഞ്ഞു ശ്രമിച്ചിട്ടും ഹിമാലയന്റെ പൊക്കത്തിനൊപ്പം എത്താൻ കഴിഞ്ഞിട്ടില്ലെന്നതു വാസ്തവം.

അടിമുടി മാറ്റവുമായി ഹിമാലയന്റെ രണ്ടാം പതിപ്പ് റോയൽ എൻഫീൽഡ് നിരത്തിലിറക്കിയിരി ക്കുകയാണ്. ഡിസൈൻ, എൻജിൻ, ഫീച്ചേഴ്സ് എന്നിങ്ങനെ അടിമുടി മാറ്റം പ്രകടം.

ഡിസൈൻ

ഏതു പ്രതലത്തെയും നേരിടാൻ പ്രാപ്തമായ രൂപം. പഴയതിനെക്കാളും മികച്ചുനിൽക്കുന്ന, ലോകോത്തര അഡ്വഞ്ചർ മോഡലുകളോടു കിട പിടിക്കുന്ന ഡിസൈൻ. എൽഇഡി ഹെഡ്ലാംപാണ്. ബക്ക് ലൈറ്റ് കൂട്ടിയിണക്കിയ ഇൻഡിക്കേറ്ററുകളാണു പിന്നിൽ. സാധാരണ കാണുന്ന ബ്രേക്ക് ലൈറ്റ് ഇല്ല. അതുകൊണ്ടു തന്നെ ഡിസൈൻ രസമുണ്ട്.

കരുത്തേറിയ എൻജിൻ