ഇവിടെ ഒരു കലാഹൃദയം തുടിക്കുന്നു...

പുഴ തിരിഞ്ഞൊഴുകുന്ന ദൃശ്യത്തിന്റെ ആസ്വാദനമാണ് "സോളിറ്റ്യൂഡ്' എന്ന ഈ വിട് അനുഭവവേദ്യമാക്കുന്നത്

- സോന തമ്പി

ഇവിടെയെത്തുന്ന ആരും ഒരു കലാകാരനായി മാറും. മൂവാറ്റുപുഴയാറിന്റെ തീരത്തുള്ള ഒന്നരയേക്കർ സ്ഥലത്ത് നിർമിച്ചിരിക്കുന്ന 'Solitude' എന്ന ഈ വാരാന്ത്യഗൃഹം അത്രമേൽ കലയോടും പ്രകൃതിയോടും ചേർന്നു കിടക്കുന്നു.

നേർദിശയിലൊഴുകുന്ന മൂവാറ്റുപുഴയാറ് കടാത്തി ഭാഗത്ത് ഏകദേശം 90 ഡിഗ്രിയിൽ തിരിഞ്ഞൊഴുകുന്ന സുന്ദരസുരഭില മായ ഭാഗത്താണ് ഈ പ്ലോട്ടിരിക്കുന്നത്. പുഴയെ അലോസര പ്പെടുത്താതെ, കയറിയിറങ്ങാൻ അനുവദിച്ച്, പുഴയെയും പ്രകൃ തിയെയും ആവോളം ആസ്വദിക്കാവുന്ന രീതിയിലാണ് വീടിന്റെ ഡിസൈൻ, കലയെയും കലാകാരന്മാരെയും സ്നേഹിക്കുകയും ചേർ ത്തുപിടിക്കുകയും ചെയ്ത സൗഹൃദക്കൂട്ടായ്മയുടെ അമരക്കാ രനായിരുന്നു ഇതിന്റെ ഉടമസ്ഥനായ മനോജ്. ആർട്ടിസ്റ്റ് നമ്പൂ തിരിയുടെ അപൂർവമായ പെയിന്റിങ്ങുകൾ ഉൾപ്പെടെ വലിയൊ രു കലാശേഖരം മനോജിനു സ്വന്തമായിരുന്നു.

കലയുടെ സ്വച്ഛന്ദ ഗേഹം

“കലാകാരന്മാർക്ക് വരാനും ഒത്തുകൂടാനും പറ്റിയ ശാന്തസു ന്ദരമായ ഒരിടമായിരുന്നു മനോജ് ആഗ്രഹിച്ചത്. ഇതിന്റെ നിർ മാണസമയത്തു തന്നെ കലാകാരന്മാരെ താമസിപ്പിച്ച് മൂന്നാഴ്ച നീണ്ടുനിൽക്കുന്ന ക്യാംപ് മനോജ് സംഘടിപ്പിച്ചു. അന്നുണ്ടാ ക്കിയ ശില്പങ്ങളൊക്കെ ലാൻഡ്സ്കേപ്പിൽ തന്നെ ശില്പിയു ടെ പേര് സഹിതം സ്ഥാപിച്ചു '' നിർമാണവഴികളെക്കുറിച്ചും വീട്ടുകാരനും സുഹൃത്തുമായിരുന്ന മനോജിനെക്കുറിച്ചും ആർക്കിടെക്ട് ജേക്കബ് ചെറിയാൻ പറയുന്നു.

നമ്പൂതിരി, ഷാജി എൻ. കരുൺ, കലാധരൻ തുടങ്ങി വൻ സൗ ഹൃദക്കൂട്ടായ്മ ഉണ്ടായിരുന്നു മനോജിന്. വിശാലമായ പ്ലോട്ടിൽ വലിയൊരു വീട് എന്നതിനുപരി കലാഹൃദയങ്ങളുടെ സമന്വയ മാണ് വീട്ടുകാരൻ ആഗ്രഹിച്ചത്.