ഒരു ചെട്ടിനാടൻ വില്ല

ചെട്ടിനാടിന്റെ തനതു ഘടകങ്ങളും ആഡംബരവും ഇഴുകിച്ചേരുന്നു ഈ അവധിക്കാല വസതിയിൽ

- 

ഇത് ഒരു അവധിക്കാലവസതിയാണ്. ഇന്റീരിയറിന് കന്റെംപ്ര റി ശൈലി വേണ്ട എന്നു വീട്ടുകാർ ആവശ്യപ്പെട്ടിരുന്നു. ചെട്ടിനാടൻ സംസ്കാരത്തിന്റെ ഊഷ്മളത നിറയും വിധമാണ് ഡിസൈൻ ഒരുക്കിയത്. എങ്കിലും പൂർണമായും ചെട്ടിനാടൻ ശൈലി വേണ്ട എന്ന വീട്ടുകാരുടെ അഭിപ്രായവും മാനിച്ചിട്ടുണ്ട്. തറയിലും ചുമരിലും മാർബിൾ വേണമെന്നതും വീട്ടുകാരുടെ ആവശ്യമായിരുന്നു. മാർബിളിന് കടും നിറങ്ങൾ ഒഴിവാക്കി ചെട്ടിനാടൻ ശൈലിയോട് ഇണക്കി.

ലിവിങ് റൂം

ലിവിങ്ങിന് ട്രെഡീഷണൽ ഛായ വേണ്ട എന്ന അഭിപ്രായത്തിലൂന്നിയാണ് വീട് ഒരുക്കിയത്. തടിയും ചൂരലും കൊണ്ടുള്ള സോഫ ആഡംബര സ്പർശമേകുന്നു. ചെട്ടിനാടിന്റെ ബിംബമായ കുതിരയെ വാങ്ങിയതാണ്. തടി കൊണ്ടുള്ള കുതിരയ്ക്ക് ചുവന്ന നിറം നൽകി. സീലിങ്ങിൽ പഴയ ചെട്ടി നാടൻ വാതിൽ നൽകി ലൈറ്റിങ് ചെയ്തു. തറയിലും ചുമരിലും കറുത്ത മാർബിളിന്റെ ഭംഗി കാണാം. റഗിനും ചുവന്ന നിറം നൽകിയതോടെ മുറിക്ക് എടുപ്പ് ലഭിച്ചു.