EV ചാർജിങ് പോയിന്റ് ഒരുക്കുമ്പോൾ

ഇലക്ട്രിക് വാഹനങ്ങൾ പ്രചാരം നേടിത്തുടങ്ങിയതോടെ വീട്ടിൽ ചാർജിങ് പോയിന്റ് നൽകേണ്ടത് ആവശ്യമാണ്

- 

ഇലക്ട്രിക് വാഹനങ്ങളുടെ കാലമാണ് ഇനി. കാലഘട്ടത്തിന്റെ ആവശ്യമായ ഇലക്ട്രിക് വാഹനങ്ങളിലേക്ക് ആളുകൾ ചുവടു മാറിത്തുടങ്ങി. പുതിയ കാര്യമായതു കൊണ്ടുതന്നെ സംശയങ്ങളും ഒട്ടേറെയാണ്. വീട്ടിൽ EV ചാർജിങ് പോയിന്റ് സുരക്ഷിതമായി ഒരുക്കുന്നതിനെക്കുറിച്ച് കൂടുതൽ അറിയാം.

നിലവിലെ വീട്ടിൽ

വീടിന്റെ ഇലക്ട്രിക് സിസ്റ്റം കൃത്യമാണോ എന്ന് ഉറപ്പാക്കുകയാണ് ആദ്യം വേണ്ടത്. പുതിയ EV ചാർജർ സ്ഥാപിക്കാനുള്ള ശേഷി നമ്മുടെ ഇൻസുലേഷന് ഉണ്ടോ എന്ന് പരിശോധിക്കുക. പ്രത്യേകിച്ച് കെഎസ്ഇബിയിൽ നി ന്നു വരുന്ന സർവീസ് വയറിന്റെ റേറ്റിങ് മുതൽ ഫ്യൂസിന്റെ റേറ്റിങ്, എംസിബി എന്നിവയെല്ലാം ശ്രദ്ധിക്കണം. പുതിയതായി EV ചാർജർ കൊടുക്കുമ്പോൾ അത് നാലുചക്ര വാഹനമോ ഇരുചക്രവാഹനമോ ആണെങ്കിലും പല റേറ്റിങ് ഉള്ളതുണ്ടാവും. അതിന്റെ വാട്ടേജ് അനുസരിച്ചുള്ള ഭാരം താങ്ങാനുള്ള ശേഷി ഉണ്ടോ എന്ന് പരിശോധിക്കണം. എന്നിട്ടു വേണം ചാർജിങ് പോയിന്റ് സ്ഥാപിക്കാൻ.