ഹരിതമാകുന്ന വാഹന ഡിസൈൻ

വാഹന ഡിസൈനിലെ ടാറ്റയുടെ ഇന്ത്യ പുതിയ മാറ്റത്തെക്കുറിച്ച് ഡിയോ ആൻഡ് ഗ്ലോബൽ ഡിസൈൻ സ്ട്രാറ്റജി ഹെഡ് അജയ് ജെയിൻ

- അജയ് ജെയിൻ ഹെഡ് ഇന്ത്യ ഗ്ലോബൽ ഡിസൈൻ സ്ട്രാറ്റജി, ടാറ്റ മോട്ടോഴ്സ് ഡിയോ ആൻഡ്

സാങ്കേതികവിദ്യയിൽ ഇന്ന് ഏറെ മാറ്റങ്ങൾ വന്നുകഴിഞ്ഞു. ഈ മാറ്റങ്ങൾ ജീവിതത്തിന്റെ വിവിധ തലങ്ങളെ സ്വാധീനിക്കുന്നുണ്ട്. കാർ ഡിസൈൻ മേഖലയിലും സ്ഥിതി വ്യത്യസ്തമല്ല. രൂപകൽപനയിലും അത് ദൃശ്യവൽക്കരിക്കുന്നതിലുമെല്ലാം ഡിജിറ്റൽ ടൂളുകൾ പിന്തുണയേകുന്നു. നിർമിതബുദ്ധിയും (ആർട്ടിഫിഷ്യൽ ഇന്റലിജൻസ്- എ.ഐ.) വെർച്വൽ റിയാലിറ്റിയും ഓഗ്മെന്റഡ് റിയാലിറ്റിയുമെല്ലാം വിപ്ലവാത്മകമായ മാറ്റങ്ങൾക്കു വഴിയൊരുക്കുകയാണ്. വാഹന രൂപകൽപനയിൽ വൻ അവസരങ്ങളാണ് ഇന്നുള്ളത്.

ഭാവിയിലെ ഡിസൈൻ

 കാർ ഡിസൈൻ എന്നത് വെറും രൂപകൽപനയിൽ ഒതുങ്ങുന്നില്ല. ഭാവി ഗതാഗതസംവിധാനം തന്നെയാണ് ഇവിടെ മാറ്റിയെഴുതപ്പെടുന്നത്. ശക്തമായൊരു ബ്രാൻഡ് ഇമേജ് സൃഷ്ടിച്ചെടുക്കുന്നതിനൊപ്പം ജനങ്ങളുടെ ഹൃദയത്തിൽ ചേക്കേറാനും കഴിയണം. സ്ഥിരം ചട്ടക്കൂടുകളിൽ ഒതുങ്ങിനിന്ന് ഒരു ട്രെൻഡിനു പിന്നാലെ സഞ്ചരിച്ചാലും ഇത് സാധ്യമാകണമെന്നില്ല.

ദിനംപ്രതിയെന്നോണം മുഖം മിനുക്കി കൊണ്ടിരിക്കുകയാണ് വാഹന രൂപകൽപന മേഖല. സുസ്ഥിരമാതൃകകളാണ് പുതിയ കാലഘട്ടത്തിന്റെ ആവശ്യം. പരിസ്ഥിതിസൗഹൃദമെന്നത് ഓരോ രൂപകൽപനയുടെയും സിദ്ധാന്തമാകുന്നു.

ലക്ഷ്യം സീറോ എമിഷൻ