Lighter & Bolder THRILLING

പുതിയ ഷാസിയും എൻജിനും മോഡേൺ ഡിസൈനുമായി പരിഷ്കരിച്ച പൾസർ 150

- നോബിൾ എം. മാത്യു

ഇന്ത്യൻ ഇരുചക്ര വാഹന വിപണിയിൽ കരുത്തിന്റെ പ്രതീകമാണ് പൾസർ. കമ്പ്യൂട്ടർ ബൈക്കിൽ മാത്രം ഒതുങ്ങിനിന്നിരുന്ന വിപണിയെ കരുത്തുകൊണ്ടും രൂപം കൊണ്ടും പ്രകടനം കൊണ്ടും പുതിയ പാതയിലേക്കു നയിച്ചത് പൾസർ ആണെന്നു പറയാം. 2001 ൽ ആണ് പൾസർ വിപണിയിലെത്തുന്നത്. 125,135,150,160,180, 200,220,250 എന്നിങ്ങനെ പൾസറിന്റെ ടയർ തൊടാത്ത സെഗ്മെന്റുകളില്ലെന്നു തന്നെ പറയാം. ഈയിടെയാണ് എൻ 250 യും എൻ 160 യും ബജാജ് നിരത്തിലിറക്കിയ ത്. ഇപ്പോഴിതാ ചരിത്ര നായകൻ പൾസർ 150യെ ബജാജ് ഉടച്ചു വാർത്തിറക്കിയിരിക്കുന്നു. മത്സരം കടുത്തതിനാലാകാം കാര്യമായ പരിഷ്കാരമുണ്ട്. പി 150യെ വിശദമായി ഒന്നു കാണാം.

 രണ്ടു വേരിയന്റുകൾ

മുന്നിൽ മാത്രം ഡിസ്ക് ബ്രേക്ക്, ഇരു വീലുകളിലും ഡിസ്ക് ബ്രേക്കുള്ള വേരിയന്റ് എന്നിങ്ങനെ രണ്ടു വേരിയന്റുണ്ട്. ഇതിൽ ഇരട്ട ഡിസ്കുള്ള വേരിയന്റാണ് റൈഡ് ചെയ്തത്.

രൂപകൽപന