സ്വപ്നത്തിലേക്ക് VROOM

ഫോർമുല 1 അക്കാദമിയിൽ എത്തിയ ആദ്യ മലയാളി വനിത എന്ന നേട്ടം സ്വന്തമാക്കിയ കോഴിക്കോടുകാരി സൽവ മർജാന്റെ റേസിങ് കഥ

- രൂപാ ദയാബ്ജി

യു എഇയിൽ ഫോർമുല 3 കാറ്റഗറി മത്സരങ്ങൾക്കു വേണ്ടിയുള്ള പരിശീലനത്തിലാണു സൽവ മർജാൻ. 97-ാം നമ്പർ ഫോർമുല കാറിലേക്കു സമർജാൻ കയറി. റേസിങ് ട്രാക്കിലേക്കു കാർ ഇരമ്പിയിറങ്ങി. പിന്നെ, കേട്ടതു റൂം.... വറും മാത്രം.

ഉപ്പ സമ്മാനിച്ച മുച്ചക്ര സൈക്കിളിൽ മൂന്നാം വയസ്സിൽ വേഗത്തിന്റെ ആദ്യാക്ഷരം കുറിച്ചതാണു സൽവ. ഇന്ന് എഫ് 4 ഇന്ത്യൻ, യുഎഇ ചാംപ്യൻഷിപ്പുകളിൽ വിജയക്കുതിപ്പിലാണ് ഈ കോഴിക്കോടുകാരി. ഫോർമുല 1 അക്കാദമിയിൽ ക്വാളിഫൈ ചെയ്ത ആ ദ്യ മലയാളി വനിത എന്ന നേട്ടവും സൽവയ്ക്കു സ്വന്തം.

ആക്സിലേറ്ററിൽ കാലമരുമ്പോൾ തിരികെ കിട്ടുന്ന ആ വൈബ്രേഷനിൽ എല്ലാം മറക്കുമെന്നു പറഞ്ഞാണു സൽവ മർജാൻ സംസാരിക്കാനിരുന്നത്. കോഴിക്കോടു നിന്നു ഫോർമുല 1 അക്കാദമി വരെയെത്തിയ സൽവയുടെ റേസിങ് കഥ ചോദിച്ചറിയാം.

ഡ്രൈവിങ്ങിനോടു പ്രണയം തോന്നിയത് എന്നാണ് ?

കുട്ടിക്കാലത്തു സൈക്കിളിനോടു തോന്നിയ പ്രണയമാണു ഡ്രൈവിങ്ങിൽ എത്തിച്ചതെന്നു വേണമെങ്കിൽ പറയാം. വേഗത്തിൽ സൈക്കിളോടിക്കുന്നതായിരുന്നു പ്രധാന വിനോദം. ഒൻപതാം ക്ലാസ്സിൽ വച്ചു ബൈക്ക് ഓടിക്കാൻ പഠിച്ചു, പത്താം ക്ലാസ്സിൽ കാറും. 18-ാം വയസ്സിൽ ലൈസൻസ് എടുത്തിട്ടേ റോഡിൽ വാഹനമിറക്കിയുള്ളൂ.

ചക്കിട്ടപ്പാറയ്ക്കടുത്തു ചെമ്പ്രയിലാണു വീട്. സ്കൂൾ പഠനം നാട്ടിലും ബഹ്റൈനിലുമായിട്ടായിരുന്നു. ഉപ്പ പനച്ചിങ്ങൽ കുഞ്ഞാമുവിനു ബഹ്റൈനിൽ ബിസിനസാണ്. ഉമ്മ സുബൈദയും ചേട്ടൻ സാബിത്തും ചേച്ചി സഹലയുമൊക്കെ എന്റെ ഇഷ്ടത്തിനു പൂർണ പിന്തുണ തന്നു. അഡ്വഞ്ചർ സ്പോർട്സിൽ ഒരു പിന്മുറക്കാരനുണ്ടു കേട്ടോ, അനിയൻ സിനാൻ, പ്ലവിനു പഠിക്കുന്ന അവനു ബോക്സിങ്ങിലും എംഎംഎയിലുമാണു താൽപര്യം.

ഡ്രൈവിങ് ഇഷ്ടമാണോ റേസിങ്ങിലെത്തിച്ചത് ? പെൺകുട്ടികൾക്ക് എപ്പോഴും പാവകളും അടുക്കള സൈറ്റുകളുമൊക്കെയാണ് സമ്മാനമായി കിട്ടാറ്. പക്ഷേ, എനിക്കു കളിപ്പാട്ട് കാറുകളോട്, പ്രത്യേകിച്ചു റിമോട്ട് കൺട്രോൾ കാറുകളോടു ഭ്രമമായിരുന്നു. പ്രായം കൂടും തോറും കാറുകളോടുള്ള സ്നേഹവും വളർന്നു.