രണ്ടാം വട്ടം കണ്ടപ്പോൾ...

സെക്കൻഡ് ഇംപ്രഷനിൽ തുടങ്ങിയ പ്രണയയാത്രയുടെ കഥ

- 

ലെസ് കോംപസ് എന്ന സോഷ്യൽമീഡിയ പേജിലൂടെ യാത്രാവിശേഷങ്ങൾ പങ്കുവയ്ക്കുന്ന ഗൗതം രാജനും താര നന്തിക്കരയും; ഇടയ്ക്കൊരു വഴക്കു പോലും ഓർത്തെടുക്കാൻ കഴിയാത്തത്ര ഇണക്കമുള്ള ദമ്പതികളാണ്. 13 വർഷമായി രണ്ടാളും ഒരേ ദിശയിലേക്കു യാത്ര തുടങ്ങിയിട്ട്.

“പേജ് കാണുന്നവർ പൊതുവേ കരുതുന്നത്, ഞങ്ങളെ ഇണക്കുന്ന ഒന്നാമത്തെ കാര്യം യാത്രകളാണെന്നാണ്. സത്യത്തിൽ ജീവിതത്തിൽ അതിനു രണ്ടാം സ്ഥാനമാണ്. യാത്ര പോകാൻ എപ്പോഴും പറ്റില്ലല്ലോ. എല്ലാ ദിവസവും മുടങ്ങാതെ ഒന്നിച്ചു ചെയ്യുന്നതു സിനിമ അല്ലെങ്കിൽ സീരീസ് കാണുന്നതാണ്. ലോകസിനിമകളുടെ ആരാധകരാണു ഗൗതമും ഞാനും.'' താര സംസാരിച്ചു തുടങ്ങി. ബെംഗളൂരുവിൽ പ്രമുഖ ഓട്ടോമൊബീൽ കമ്പനിയിൽ എർഗണോമിക്സ് വിഭാഗം മേധാവിയാണ് ഗൗതം. താര മീഡിയ കമ്പനിയിൽ അസിസ്റ്റന്റ് മാനേജറും.

അദ്യ യാത്ര വിഗാലാൻഡിലേക്ക്