പ്രസവാനന്തര ശുശ്രൂഷ ആയുർവേദത്തിലൂടെ

നല്ല വീതിയും കട്ടിയുമുള്ള കോട്ടൺ തുണി കൊണ്ട് ദിവസവും കുറഞ്ഞത് ആറുമണിക്കൂർ വരെ വയർ കെട്ടിവെക്കാവുന്നതാണ്. ഇങ്ങനെ ആറാഴ്ച വരെ തുടരാം. ഒരു കാരണവശാലും വയറിന് അസ്വസ്ഥത ഉണ്ടാക്കുന്ന തരത്തിൽ കെട്ടിവയ്ക്കരുത്. ഇത് അരക്കെട്ടിന് ബലം നൽകുകയും, വയറിലെ പേശി കളെ ശക്തിപ്പെടുത്തുകയും. ഗർഭാശയം പ്രസവപൂർവ്വ അവസ്ഥയിലേക്ക് (Involution) എത്തുന്നതിനും സഹായിക്കുന്നു.

- ഡോ. ഷിബില കെ BAMS. MS(Ayu)

ആയുർവേദചികിത്സാശാസ്ത്രം ഒരു സ്ത്രീയുടെ ജീവിതത്തിലെ ഓരോ ഘട്ടത്തിലും ആ വളരെയധികം പ്രാധാന്യം നൽകുന്നു. പ്രത്യേകിച്ച് ഗർഭകാല പരിചരണത്തിന്റെയും പ്രസവാനന്തരപരിചരണത്തിന്റെയും കാര്യത്തിൽ. ആരോഗ്യമുള്ള അമ്മയിൽ നിന്ന് ആരോഗ്യമുള്ള കുഞ്ഞിന്റെ ജനനം ഉറപ്പാക്കാൻ ലക്ഷ്യമിട്ടുള്ള ഗർഭകാലപരിചരണം പോലെ തന്നെ പ്രധാനപ്പെട്ടതാണ് പ്രസവാനന്തരപരിചരണം അഥവാ സൂതികപരിചരണം (Postnatal care). പ്രസവാനന്തരം ഉണ്ടാകുന്ന ആരോഗ്യ പ്രശ്നങ്ങളിൽ നിന്നും മുക്തി നേടി ഗർഭധാരണത്തിനു മുമ്പുള്ള അവസ്ഥയിലേക്ക് ശരീരത്തെ കൊണ്ടുവരാൻ ഇത് വളരെയധികം സഹായിക്കുന്നു.

പ്രസവശേഷമുള്ള ഒന്നരമാസക്കാലം (6 ആഴ്ച) ആണ് സൂതികകാലം (Postnatal period) എന്നു പറയുന്നത്. പ്രസവ ശേഷം ശരീരകലകൾ, പ്രത്യേ കിച്ച് പെൽവിക് അവയവങ്ങൾ ശരീര ഘടനപരമായും (anatomically) ശരീരശാസ്ത്രപരമായും(physiologically) ഏകദേശം ഗർഭധാരണത്തിനു മുമ്പുള്ള അവസ്ഥയിലേക്ക് എത്തുന്നതിന് ആവശ്യമായ കാലഘട്ടമാണിത് (Puerperium). പ്രസവാനന്തരകാലഘട്ടം സന്തോഷത്തിന്റെയും അതോടൊപ്പം സങ്കീർണതകളുടെയും കാലമാണ്. അതുകൊണ്ടുതന്നെ ഈ കാലയളവിൽ സൂതികയ്ക്ക് ( പ്രസവിച്ച സ്ത്രീ) പ്രത്യേക ആഹാരക്രമം, ജീവിതരീതി, ഔഷധസേവ, പരിചരണം എന്നിവ ആവശ്യമാണ്.

ഔഷധം