'കാർ'ഡിയാക് അറസ്റ്റ്

COFFEE BREAK

- വിനോദ് നായർ

എഴുത്തുകാർ ഓടിക്കും എന്നു പറഞ്ഞാൽ ശരിയാണ്. പലരും ഓടിക്കുന്നത് കാറല്ല, വേണ്ടാത്ത ചോദ്യവുമായി വരുന്നവരെയാണെന്നു മാത്രം! എഴുത്തുകാരൻ സി.വി. ബാലകൃഷ്ണൻ രണ്ടിനെ യും ഓടിക്കും ! പുസ്തകം ഷെൽഫിൽ വയ്ക്കണം എന്നാണ് നമ്മൾ പറയുക. കാർ പോർച്ചിൽ കൊണ്ടിടണം എന്നും പറയും. എന്നാൽ ബാലകൃഷ്ണൻ പറയുന്നത് കാർ പോർച്ചിൽ വയ്ക്കണം എന്നാണ്. പുസ്തകം ഷെൽഫിൽ വയ്ക്കുന്നതു പോലെ സൂക്ഷിച്ചാണ് കാർ പോർച്ചിൽ വയ്ക്കേണ്ടതെന്നു ചുരുക്കം. ഹൃദയം കാറിനും ഉണ്ട്. ഹൃദയമില്ലെന്ന മട്ടിൽ തോന്നിയപോലെ പെരുമാറിയാൽ കാർഡിയാക് അറസ്റ്റ് വരെയുണ്ടാവാം. അപ്പോഴാണ് അതു പണിമുടക്കുന്നത്. കാറിന് ഒരു ഹൃദയമുണ്ടെന്ന് ഓർക്കുമ്പോൾ ബാലകൃഷ്ണന്റെ മന സ്സിലെത്തുന്നത് ഋത്വിക് ഘട്ടക്കിന്റെ അജാസിക് എന്ന ചലച്ചിത്രമാണ്. അതിൽ നായകനും കാറും തമ്മിലുള്ള ആത്മബന്ധം ഭയങ്കരമാണ്. കാറിനെ അയാൾ ജീവനു തുല്യം സ്നേഹിച്ചു. അങ്ങനെയിരിക്കെ കാമുകി ആദ്യമായി നായകന്റെ കാറിൽ കയറി. അതോടെ കാർ സ്റ്റാർട്ടാവുന്നില്ല. തനിക്കും നായകനുമിടയിൽ കാമുകി വന്നത് കാറിന് ഇഷ്ടപ്പെട്ടില്ല എന്നു ചുരുക്കം എന്തു ചോദിച്ചാലും കാറുമായി ബന്ധപ്പെട്ട ഒരു കാര്യം പറയാനുണ്ടാവും സി.വി. ബാലകൃഷ്ണന് “ഞാൻ ദേ, കാർ കഴുകിയിട്ട് വന്നതേയുള്ളൂ. അല്ലെങ്കിൽ ഞാൻ കാറോടിക്കുകയാണ്... ഇതൊന്നുമില്ലെങ്കിൽ അദ്ദേഹം പറയും; ഞാൻ പണ്ട് “കാർട്ടൂൺ വരയ്ക്കുമായിരുന്നു എന്ന്. അതെ, ബാലകൃഷ്ണന് കാർട്ടൂണും ചിത്രം വരയും വഴ