നിരർഥകമാകാതിരിക്കട്ടെ തിരിച്ചറിവുകൾ

വേഗത്തിന്റെ ലഹരിയിൽ നിരത്തിലൂടെ വാഹനത്തിൽ ചീറിപ്പായുന്നവരാണോ നിങ്ങൾ? എങ്കിൽ ഇതു വായിക്കാതെ പോകരുത്.

- കെ.ജി.ദിലീപ് കുമാർ എംവിഐ, എസ്ആർടിഒ, പെരുമ്പാവൂർ

ഒടിഞ്ഞു ചിതറിയ 220 CC മോട്ടർ |സൈക്കിളിന്റെ അപകട പരിശോധന നടത്തിക്കൊണ്ടിരിക്കുകയായിരുന്നു ഞാൻ.

"ഇനി അവനു വാഹനം ഓടിക്കാൻ നൽകില്ല സർ...

അപകടത്തിൽ തകർന്ന മോട്ടർ സൈക്കിളോടിച്ച യുവാവിന്റെ അച്ഛൻ വാക്കുകൾ. അദ്ദേഹത്തിന്റെ ഏക മകൻ രണ്ടു വർഷത്തേക്കെങ്കിലും കിടക്കയിൽ പോലും എഴുന്നേറ്റിരിക്കുമെന്നു പ്രതീക്ഷിക്കരുതെന്നാണ് ഡോക്ടർമാരുടെ വിധിയെഴുത്ത്.

അച്ഛനുണ്ടായ തിരിച്ചറിവ് എത്ര വൈകിപ്പോയിരിക്കുന്നു!

 അപകടത്തിൽ ചിതറിയ വാഹനങ്ങൾ കണ്ടിട്ടുണ്ടോ? ഓട്ടോറിക്ഷയുമായി കൂട്ടിയിടിച്ച മോട്ടർ സൈക്കിളിന്റെ ഷോക്ക് അബ്സോർബർ ട്യൂബ് ഒടിഞ്ഞു തെറിച്ചതാണ് ചിത്രത്തിൽ കാണുന്നത്. ഏറ്റവും കാഠിന്യമേറിയ നിക്കൽ ക്രോമിയം സ്റ്റീൽ കൊണ്ടു നിർമിച്ച, ആറ് സെന്റിമീറ്റർ വ്യാസവും 3 മില്ലീമീറ്റർ കനവുമുള്ള ട്യൂബ് അങ്ങനെ ഒടിയുമെങ്കിൽ വാഹനം ഓടിച്ച ആളുടെ നട്ടെല്ലിന്റെയും അതിന കത്തുള്ള സ്പൈനൽ കോഡിന്റെയും അവസ്ഥ എന്താകും?

എന്തുകൊണ്ടു വാഹനങ്ങൾ ചിതറുന്നു?

ഗതികോർജത്തിന്റെ (kinetic energy) എനർജി മൾട്ടിപ്ലിക്കേഷനെക്കുറിച്ചു ധാരണ ഇല്ലാത്തവരാണ് നമ്മിൽ പലരും.

പാറ പൊട്ടിക്കുന്ന കൂടം കണ്ടിട്ടുണ്ടോ? ഒന്നോ രണ്ടോ മീറ്റർ ഉയരത്തിൽനിന്ന് അതുകൊണ്ട് അടിച്ചാണു പാറ പൊട്ടി ക്കുന്നത്. വീശിയടിക്കുന്നതുകൊണ്ടല്ല, 10 കിലോഗ്രാമുള്ള കൂടം ഉയരത്തിൽ നി ന്നു താഴേക്കു വരുമ്പോൾ ഉണ്ടാകുന്ന ഗതികോർജം കാരണമാണ് പാറ പൊട്ടുന്നത്. ഇവിടെയുണ്ടാകുന്ന ഊർജം നമുക്കു കണക്കാക്കാവുന്നതേയുള്ളൂ.