ഇലക്ട്രിക് പഞ്ച്

പുതിയ ഇവി പ്ലാറ്റ്ഫോമും നൂതന ഫീച്ചറുകളുമായി പഞ്ചിന്റെ ഇലക്ട്രിക് പതിപ്പ്

- നോബിൾ എം. മാത്യു

ഇലക്ട്രിക് വാഹനനിരയിൽ തങ്ങളുടെ നാലാമ ത്തെ മോഡലിനെ രംഗത്തിറക്കിയിരിക്കുകയാണ് ടാറ്റാ മോട്ടോഴ്സ്. മിനി എവിയായ പഞ്ചിന്റെ ഇല ക്രിക് പതിപ്പാണിത്. ടാറ്റയുടെ നിലവിലെ ഇവികളിൽ നിന്നും ഒട്ടേറെ പുതുമകളുമായാണ് പഞ്ച് ഇവിയുടെ വരവ്.

ജെൻ 2 ഇവി ആർക്കിടെക്ചർ

 ആക്ട്.ഇവി (ആക്ടീവ് എന്ന് ഉച്ചാരണം) എന്ന ടാറ്റയുടെ ഏറ്റവും പുതിയ ജെൻ 2 ഇവി ആർക്കിടെ ക്ചറിലാണ് പഞ്ചിന്റെ ജനനം. വരാൻ പോകുന്ന കർവ് ഇവി, സിയറ ഇവി, ഹാരിയർ ഇവി എന്നിവയെല്ലാം ഈ പ്ലാറ്റ്ഫോമിലാണ് ജീവൻ വയ്ക്കുന്നത്.

ജെഎൽആറുമായി സഹകരിച്ചു നിർമിക്കുന്ന പ്രീമിയം പ്യുവർ ആർക്കിടെക്ചർ അവിന്യ അടക്കമുള്ള പ്രീമിയം മോഡലുകൾക്കാണു നൽകുക. രണ്ടു പ്ലാറ്റ് ഫോമുകളിലുമായി പത്തോളം പുതിയ വാഹനങ്ങളാണ് വരുംവർഷം ടാറ്റ ലോഗോയുമായി നിരത്തിലെത്തുക.

സിലിൻഡ്രിക്കൽ, പ്രിസ്മാറ്റിക് എന്നീ വ്യത്യസ്ത തരത്തിലുള്ള ബാറ്ററി പായ്ക്കുകൾ വഹിക്കാൻ ശേഷിയുള്ളതാണ് ആക്ടീവ് ആർക്കിടെക്ചർ, 11 കിലോ വാട്ട് എസി ചാർജർ, 150 കിലോവാട്ട് ഡിസി ചാർജർ എന്നിവ ഉപയോഗിച്ച് ഇതു ചാർജ് ചെയ്യാൻ കഴിയും.

മുൻവീൽ ഡ്രൈവ്, റിയർവീൽ ഡ്രൈവ്, ഫോർവീൽ ഡ്രൈവ് വേർഷനുകൾ നിർമിക്കാൻ പാകത്തിലുള്ളതാ ണ് ആക്ടീവ് ആർക്കിടെക്ചർ. 80 ബിഎച്ച്പി മുതൽ 230 ബിഎച്ച്പി വരെ ശേഷിയുള്ള മോട്ടറുകൾ ഇതിന് ഉൾക്കൊള്ളാൻ കഴിയും. പരന്ന ഫ്ലോർ ആയതിനാൽ അകത്ത് ഇഷ്ടംപോലെ ഇടംകിട്ടുമെന്നതാണ് ഈ പ്ലാറ്റ്ഫോമിന്റെ മറ്റൊരു ഗുണം.

ബാറ്ററി-ചാർജിങ്

സ്റ്റാൻഡേർഡ്, ലോങ് റേഞ്ച് എന്നിങ്ങനെ രണ്ടു വേരിയന്റുകളുണ്ട്.