COOL AIR

പ്രായോഗിക മാറ്റങ്ങളും വിലക്കുറവുമാണ് ഓല എസ് 1 എയറിന്റെ പുതുമകൾ

- പ്രവീൺ

ഇലക്ട്രിക് സ്കൂട്ടർ രംഗത്ത് ഇന്ത്യ കാര്യമായി രംഗത്തില്ലാതിരുന്ന കാലത്താണ് ഓലയുടെ രംഗപ്രവേശം. ബാലാരിഷ്ടതകളൊക്കെ ഉണ്ടായിരുന്നെങ്കിലും ഓല പെട്ടെന്നു ഹിറ്റായി. പിന്നെ സർവീസിന്റെയും മറ്റും പോരായ്മകൾ കൊണ്ട് പലപ്പോഴും റെഡ് ലിസ്റ്റിലും പെട്ടു. ഇന്നിപ്പോൾ ഇലക്ട്രിക് സ്കൂട്ടറുകൾ നിരത്തുകളിൽ നിറയുന്നു.

ആ തരംഗത്തിന്റെ മുന്നിൽ ഓലയുണ്ട്. പുതിയ സ്കൂട്ടറുകൾ അവതരിപ്പിച്ചുകൊണ്ട്. അക്കൂട്ടത്തിലെ പുതു താരമാണ് ഓല എസ് 1 എയർ. കുറഞ്ഞ വിലയിൽ ലഭിക്കുന്ന ഇലക്ട്രിക് സ്കൂട്ടർ പരീക്ഷിച്ചത് ഓലയുടെ ഫാക്ടറി പരിസരത്തു വച്ച്, മാറ്റങ്ങളേറെ.

എസ് 1 എയർ മോഡലിനോടൊപ്പം ഫാക്ടറിക്കുള്ളിൽ വച്ച് എസ് 1 പായുടെ രണ്ടാം ജനറേഷനും റൈഡ് ചെയ്യാൻ പറ്റി. രണ്ടു സ്കൂട്ടറുകളെയും വിശദമായി പരിചയപ്പെടാം.

ഓല ഫ്ലാഗ്ഷിപ് മോഡൽ എസ് 1 പോയുടെ ബജറ്റ് മോഡൽ ആണ് എയർ(ആപ്പിൾ മാക്ബുക്ക് പോയും മാക്ബുക് എയറും പോലെ). വില 1.199 ലക്ഷം രൂപയിൽ തുടങ്ങുന്നു. എസ് 1 പ്രൊ രണ്ടാം തലമുറ മോഡലിന്റെ വില വിവരം ലഭ്യമല്ല. തനി അർബൻ യാത്രക്കാരെ മുന്നിൽ കണ്ടാണ് എയർ മോഡൽ രംഗത്തിറക്കുന്നത്. ഇതെന്തു കൊണ്ടാണെന്നു വഴിയേ പറയാം.

രൂപകൽപന

ഒറ്റ അച്ചിൽ വാർത്തതുപോലുള്ള അടിസ്ഥാന രൂപത്തിനു മാറ്റമില്ല. പുതുമകൾ ഇവയാണ്