ട്രാഫിക്കിന്റെ മനഃശാസ്ത്രം

നമുക്ക് അത്ര പരിചിതമല്ലാത്ത ട്രാഫിക് സൈക്കോളജി, വാഹനരംഗത്ത് എത്രമാത്രം പ്രധാനമാണെന്ന് കൺസൽറ്റന്റ് ട്രാഫിക് സൈക്കോളജിസ്റ്റ് അനഘ പുല്ലങ്ങോട്ട് വിവരിക്കുന്നു

- അനഘ പുല്ലങ്ങോട്ട്

ചാർളി ചാപ്ലിന്റെ സിനിമ കണ്ടിറങ്ങിയവരുടെ വാഹനത്തിനു മുന്നിൽ മറ്റൊരു വാഹനം ക്രോസ് ആയി കിടക്കുന്നുണ്ടായിരുന്നു. വളരെ രസകരമായി അവർ ആ തടസ്സം തരണം ചെയ്തു. എന്നാൽ, ആക്ഷൻ മൂവി കണ്ടിറങ്ങിയ മറ്റൊരു ടീമിനെ അതേ സാഹചര്യത്തിലൂടെ കടത്തിവിട്ടപ്പോൾ വളരെ അഗ്രസീവ് ആയിട്ടാണു പെരുമാറിയത്. ട്രാഫിക് സൈക്കോളജി പഠനാവശ്യത്തിനായിരുന്നു ഇങ്ങനെയൊരു സാഹചര്യം സൃഷ്ടിച്ചത്. പിറന്നു വീഴുന്നതു മുതൽ നമ്മളോരോരുത്തരും പാതകളുമായും ഗതാഗതവുമായും നിരതരം ബന്ധപ്പെട്ടിരിക്കുന്നു. റോഡ് ഉപയോഗിക്കാത്തവർ ഇല്ല. ഡ്രൈവ് ചെയ്യുന്നവർ മുതൽ റോഡിലൂടെ നടന്നു പോകുന്നവർ വരെയുള്ളവരുടെ ജീവിതത്തെ ബാധിക്കുന്നുണ്ട് ട്രാഫിക്  സൈക്കോളജി.

ട്രാഫിക്സൈക്കോളജി  ഇങ്ങനെയൊരു ടേം ഒരുപക്ഷേ, പുതിയതായിരിക്കും. ഹൈദരാബാദ് ഐഐടിയിൽനിന്ന് എംഫിൽ ചെയ്യുമ്പോൾ ട്രാഫിക് സൈക്കോളജിയിൽ സ്പെഷലൈസ് ചെയ്തു. ജർമനിയിലെ സ്റ്റാർട്ടപ്പുകളുമായി ചേർന്ന് പ്രവർത്തിക്കുകയാണ് ഇപ്പോൾ. ട്രാഫിക് സൈക്കോളജി എന്ന ആശയം കൂടുതൽ പേരിലേക്ക് എത്തിക്കുന്നതിനും സുരക്ഷിതമായ റോഡ് ഉപയോഗത്തിനും മുന്നിട്ടിറങ്ങുകയാണു ലക്ഷ്യം.

ട്രാഫിക് സൈക്കോളജി

ഏറക്കുറെ പുതിയൊരു ഫീൽഡ് ആണ് ട്രാഫിക് സൈക്കോളജി. ഇതിൽ പ്രധാനമായും മൂന്നു കാര്യങ്ങൾ പ്രതിപാദിക്കുന്നു.

1) ഡ്രൈവറുടെ സ്വഭാവം