The Athletic EV

1.19 കോടി വിലയുള്ള ഇലക്ട്രിക സ്പോർട്ബാക്ക്

- പ്രവീൺ

ലോകത്തിലെ സ്കീ അത്ലീറ്റുകളുടെ സ്വപ്നവേദിയായ ഹെന്നൻകമ്മിലേക്ക് ഔഡി തങ്ങളുടെ ഒരു കാർ പരീക്ഷണത്തിന് അയച്ചു. ഓസ്ട്രിയയിലെ ആൽപ്സ് താഴ്വരയിലെ മഞ്ഞുമൂടിയ സ്കീ ട്രാക്കിൽ, കുത്തനെയുള്ള ചെരിവുകളിൽ ആ ഇലക്ട്രിക് കാർ വിജയകരമായി പിടിച്ചുകയറിപ്പോയി. പ്രത്യേകം തയാറാക്കിയ ഇ-ട്രോൺ ആയിരുന്നു ആ ഇലക്ട്രിക് കാർ. സാധാരണ ഡ്രൈവുകൾക്കു മാത്രമാണ് ഇവി എന്നൊരു ധാരണയാണ് അവിടെ തിരുത്തിക്കുറിച്ചത്. ക്വാട്രോ എന്ന ഐതിഹാസികമായ ഓൾവീൽ ഡ്രൈവ് മോഡ് ഇണക്കിച്ചേർത്ത ഇ-ട്രോൺ വാഹനങ്ങൾ ഏതു കാലാവസ്ഥയെയും വെല്ലു വിളിക്കുന്ന തരത്തിലാണു നിർമിച്ചിട്ടുള്ളത്. സീ ട്രാക്ക് കീഴടക്കിയ മോഡലിന് നമ്മുടെ നിരത്തുകൾ പൂമെത്തയാകുമെന്നു പറയേണ്ടതില്ലല്ലോ? അതിസുന്ദരമായ ഇ-ട്രോ സ്പോർട്ബാക്ക് ഡ്രൈവ് റിപ്പോർട്ടിലേക്ക്.

രൂപകൽപന

മൂന്നുതരം ഇ-ട്രോണുകൾ ഉണ്ട്. സാധാരണ എവി രൂപമുള്ളത് കൂപ്പ മട്ടിൽ ചെരിഞ്ഞിറങ്ങുന്ന റൂഫ് ഉള്ള സ്പോർട് ബാക്ക്. സ്പോർട്സ് കാറിന്റേതു പോലുള്ള ഇ-ട്രോൺ ജിടി. മൂന്നിലും വച്ച് സ്പോർട്ബാക്ക് ആണ് നമുക്കിഷ്ടമാകുക. നമ്മുടെ നിരത്തുകൾക്കു യോജിച്ച പ്രായോഗികതയുണ്ട്. എന്നാൽ, സ്പോർട്ടിയാണു താനു അത്ലറ്റിക് ശരീരം. ക്യൂ 7, ക്യൂ 5 എന്നീ ഔഡി എവികളുടെ മധ്യേ സ്ഥാനം പിടിക്കുന്ന അഴകളവുകൾ. വലിയൊരു എസ് യു  വി ആണെങ്കിലും സ്പോർട്സ് കൂപ്പെയുടെ ഒതുക്കം ഫീൽ ചെയ്യും. ബിഎം ഡബ്ല്യു എക്സ് 6 ന്റെ മുൻമോഡലുമായി നല്ല സാമ്യമുണ്ട് വശങ്ങൾക്ക്. പ്ലാറ്റിനം ഗ്രേ നിറമുള്ള ഒറ്റപ്പീസ്' ഗില്ലാണ്. നടനം ചെയ്യുന്നതു പോലെ പ്രകാശിപ്പിച്ചു മയക്കുന്ന മെട്രിക്സ് എൽഇഡി ലാംപുകൾ. രാത്രിയിൽ ഈ ലൈറ്റ് ഷോ കണ്ടാൽ ആരും കൊതിക്കും. വീൽ ആർച്ചിനു പിന്നിൽ ഇരുവശത്തും ചാർജിങ് പോർട്ടുകളുണ്ട്. ചാർജിങ് പോയിന്റിന്റെ വശം നോക്കി പാർക്ക് ചെയ്യേണ്ട എന്നർഥം. ഓറഞ്ച് നിറമുള്ള ബ്രേക് കാലിപർ എനർജറ്റിക് ആണ് എന്നാൽ, അഗ്രസീവ് അല്ലതാനും.

വീൽ ആർച്ചിനോടു ചേർന്ന് എയർകട്ടുകളുണ്ട്. റിയർ എൽഇഡി ലാംപുകൾ ഒറ്റലൈനാണ്.

ഇന്റീരിയർ