உண்மையான அன்பே மாசற்ற பக்தி!

'தெய்வத்தான் ஆகாது எனினும் முயற்சிதன் மெய்வருத்தக் கூலி தரும்.'

- 

ஒருவன் மேற்கொண்ட முயற்சி வினைப்பயன் காரணமாக வெற்றி பெறாமல் போனாலும் அத்தகைய முயற்சியில் ஈடுபட்ட அவனது உடம்பு பட்ட செயல்பாட்டின் (செய்த வேலை) அளவுக்கு நிச்சயமாக பயன் தரும். ஒருபோதும் பயன் தராமல் போகாது.

மருத்துவ மேதை, வாழ்வியல் ஞானி, சூழலியல் ஆராய்ச்சியாளர் திருவள்ளுவர், முயற்சியின் சிறப்பை பின்வரும் திருக்குறள்மூலம் தெளிவுபடுத்துகிறார்.

முயற்சி திருவினை ஆக்கும் முயற்றின்மை இன்மை புகுத்தி விடும்.

ஒருவனது விடாமுயற்சி அவனுக்கு செல்வத்தை உண்டாக்கவும், வளர்க்கவும், மிகவும் அழகான ஒரு உயரத்தையும் கொடுக்கும். அது போன்ற முயற்சி இல்லாமை ஒருவனை வறுமைக்குள் செலுத்தி துன்ப நிலைக்கு ஆளாக்கிவிடும்.

இங்கே கவனிக்க வேண்டிய ஒன்று இறைவன்மீதும் இயற்கைமீதும் ஒருவனுக்கு நம்பிக்கை இருக்கவேண்டும். அது மிக அவசியம். அதேவேளையில் அவனுக்கு பிடித்த வேலையிலோ அல்லது அவன் செய்கின்ற வேலையிலோ உள்ள விருப்பத்துடன், விடாமல்கூடிய தொடர்முயற்சியே அவனை வெற்றிக்கு சொந்தக்காரனாக மாற்றும். இறைவனின் படைப்பில் உருவாக்கப்பட்ட இயற்கையில் இருக்கும் அனைத்து உயிர்களும் சமம் என்பதே இறைக் கோட்பாடாகும். ஒரு பழைய பாடலை இங்கே நினைவுக்கூற விரும்புகிறேன்.

“உழைக்கும் தோழர்களே ஒன்று கூடுங்கள் உலகம் நமது என்று சிந்து பாடுங்கள் மேடு பள்ளம் இல்லாத சமுதாயம் காண என்ன வழி என்று எண்ணி பாருங்கள்...”

"பாடுபட்டுச் சேர்த்த பொருளைக் கொடுக்கும்போதும் இன்பம் வாடும் ஏழை மலர்ந்த முகத்தை பார்க்கும்போதும் இன்பம் பேராசையாலே வந்த துன்பம் சுயநலத்தின் பிள்ளை சுயநலமே இருக்கும் நெஞ்சில் அமைதி என்றும் இல்லை."

இதற்குப் பிறகு வரக்கூடிய பாடல் வரிகள்தான் மிகவும் முக்கியத்துவம் வாய்ந்தது.

"காற்றும் நீரும் வானும் நெருப்பும் பொதுவில் இருக்குது மனிதன் காலில் பட்ட பூமி மட்டும் பிரிந்து கிடக்குது பிரித்து வைத்துப் பார்ப்பதெல்லாம் மனிதர் இதயமே உலகில் பிரிவு மாறி ஒருமை வந்தால் அமைதி நிலவுமே."