ஓமனில் தொடங்கியது அமெரிக்கா - ஈரான் அணுசக்தி பேச்சு

ஈரானின் அணுசக்தி திட்டங்கள் தொடர்பாக அந்த நாட்டிற்கும் அமெரிக்காவுக்கும் இடையிலான மறைமுகப் பேச்சுவார்த்தை ஓமனில் சனிக்கிழமை (ஏப்.12) தொடங்கியது.

- 

மஸ்கட், ஏப். 12:

அதன் ஒரு பகுதியாக, இந்தப் பேச்சுவார்த்தையில் இரு நாடுகளுக்கும் இடையே கருத்துகளைப் பரிமாறிக் கொள்வதற்கான சமரசத்தில் ஈடுபட்டுவரும் ஓமனின் வெளியுறவுத் துறை அமைச்சர் பாதர் அல்-புசையீதியை ஈரான் வெளியுறவுத் துறை அமைச்சர் அப்பாஸ் ஆரக்சி சந்தித்துப் பேசினார்.

முன்னதாக, இந்தப் பேச்சுவார்த்தை குறித்து ஆரக்சி வெளியிட்ட அறிக்கையில் தெரிவிக்கப்பட்டுள்ளாவது:

அமெரிக்காவுடனான மறைமுகப் பேச்சுவார்த்தையின் முக்கிய நோக்கம், சரிசமமான அந்தஸ்துடன் கூடிய, நியாயமான ஒப்பந்தம் ஒன்றை அந்த நாட்டுடன் ஏற்படுத்திக்கொள்வதுதான். அவர்களும் அதே நோக்கத்தைக் கொண்டிருந்தால் இதில் ஆரம்பக்கட்ட புரிதல் ஏற்பட்டு, நேரடி பேச்சுவார்த்தையை நோக்கி நகர முடியும்.

தற்போது இந்த மறைமுகப் பேச்சுவார்த்தையில் பங்கேற்கும் ஈரான் பிரதிநிதிகள் இந்த விவகாரத்தில் நிபுணத்துவம் பெற்றவர்கள்; அணுசக்தி தொடர்பான பேச்சுவார்த்தைகளில் நல்ல அனுபவம் பெற்றவர்கள் என்றார் அவர்.