தலித்துகளுக்கு அவமதிப்பு: லாலு மீது ராஜ்நாத் சாடல்

ராஷ்ட்ரீய ஜனதா தளம் (ஆர்ஜேடி) தலைவர் லாலு பிரசாத், அம்பேத்கரின் உருவப் படத்தை அவமதித்தது சிறிய தவறு அல்ல; அது ஒட்டுமொத்த தலித் சமூகத்தினரையும் அவமதிக்கும் அவரது மனநிலையின் பிரதிபலிப்பு என்று மத்திய பாதுகாப்புத் துறை அமைச்சர் ராஜ்நாத் சிங் விமர்சித்தார்.

- 

பாட்னா, ஜூலை 2: ராஷ்ட்ரீய ஜனதா தளம் (ஆர்ஜேடி) தலைவர் லாலு பிரசாத், அம்பேத்கரின் உருவப் படத்தை அவமதித்தது சிறிய தவறு அல்ல; அது ஒட்டுமொத்த தலித் சமூகத்தினரையும் அவமதிக்கும் அவரது மனநிலையின் பிரதிபலிப்பு என்று மத்திய பாதுகாப்புத் துறை அமைச்சர் ராஜ்நாத் சிங் விமர்சித்தார்.

அண்மையில் நடைபெற்ற லாலு பிரசாதின் 78-ஆவது பிறந்த தின நிகழ்ச்சியில், அவரது கால் அருகே அம்பேத்கரின் உருவப் படம் வைக்கப்பட்டிருந்த விடியோ காட்சி வெளியாகி பெரும் சர்ச்சையை ஏற்படுத்தியது. இந்த விவகாரத்தில், லாலுவை கடுமையாக விமர்சித்த பிரதமர் மோடி, நாட்டு மக்கள் அவரை ஒருபோதும் மன்னிக்க மாட்டார்கள் என்றார்.