பிரதானுக்கு எதிராக உரிமை மீறல் நோட்டீஸ்

மக்களவைத் தலைவரிடம் திமுக அளித்தது

- நமது நிருபர்

நமது நிருபர் புது தில்லி, மார்ச் 10: தேசிய கல்விக் கொள்கை விவகாரத்தில் அரசியலுக்காக நிலைப்பாட்டை மாற்றிக்கொண்டதாக மக்களவையில் தமிழக அரசை விமர்சித்த மத்திய கல்வித் துறை அமைச்சர் தர்மேந்திர பிரதானுக்கு எதிர்ப்புத் தெரிவித்து திமுக உறுப்பினர்கள் கடும் அமளியில் ஈடுபட்டனர். அவருக்கு எதிராக மக்களவைத் தலைவரிடம் உரிமை மீறல் நோட்டீஸையும் அளித்தனர்.

நாடாளுமன்றத்தின் பட்ஜெட் கூட்டத் தொடரின் 2-ஆவது பகுதி திங்கள்கிழமை தொடங்கியது. மக்களவைத் தலைவர் ஓம் பிர்லா தலைமையில் காலை யில் அவை கூடியதும், கேள்வி நேரத்தின் போது, தென்சென்னை தொகுதி திமுக உறுப்பினர் தமிழச்சி தங்கபாண்டியன், பிஎம்ஸ்ரீ திட்டத்தில் தமிழக அரசு சேர வில்லை என்பதற்காக தமிழகத்துக்கு வழங்க வேண்டிய ரூ.2,000 கோடியை வேறு மாநிலங்களுக்கு மத்திய அரசு திருப்பிவிட்டதாகக் குற்றஞ்சாட்டினார்.

தேசிய கல்விக் கொள்கை மற்றும் மும் மொழிக் கொள்கையை திணிப்பதால் பிஎம்ஸ்ரீ திட்டத்தை தமிழக அரசு ஏற்கவில்லை என திமுக எம்.பி.க்கள் கூறினர்.