தில்லி தமிழ்நாடு இல்லத்தில் முதல்வர் விஜய்க்கு காவல் துறை அணிவகுப்பு மரியாதை

தில்லி தமிழ்நாடு இல்லத்துக்கு புதன்கிழமை பிற்பகலில் வருகை தந்த தமிழக முதல்வர் ஜோசப் விஜய்க்கு காவல்துறை அணிவகுப்பு மரியாதை வழங்கப்பட்டது.

- நமது நிருபர்

தில்லி தமிழ்நாடு இல்லத்தில் முதல்வர் மு.க.ஸ்டாலினுக்கு சனிக்கிழமை வழங்கப்பட்ட காவல் துறை அணிவகுப்பு மரியாதை.

தமிழக முதல்வராகப் பதவியேற்ற பின்பு தில்லிக்கு முதல் முறையாக முதல்வர் ஜோசப் விஜய் வருகை தந்தார். இதையொட்டி தில்லி சாணக்கியாபுரியில் உள்ள தமிழ்நாடு அரசு விருந்தினர் இல்லத்துக்கு வந்த அவருக்கு தில்லி திகார் சிறை பாதுகாப்புப் பணியில் ஈடுபட்டுள்ள தமிழ்நாடு காவல் துறையின் சிறப்புக் காவல் படை சார்பில் அணிவகுப்பு மரியாதை வழங்கப்பட்டது. இதைத் தொடர்ந்து, தமிழ்நாடு இல்லத்தில் அதன் முதன்மை உள்ளுறை ஆணையர் ஆர். ஜெயா உள்ளிட்ட முக்கிய அரசு அதிகாரிகளுடன் முதல்வர் ஆலோசனை மேற்கொண்டார்.