காஞ்சிபுரம் டிஎஸ்பி கைது விவகாரம்: மாவட்ட நீதிபதி உத்தரவு ரத்து

வன்கொடுமை தடுப்புச் சட்ட வழக்கில் நடவடிக்கை எடுக்காத புகாரில், காஞ்சிபுரம் டிஎஸ்பி சங்கர் கணேஷை சிறையில் அடைக்க மாவட்ட நீதிபதி பிறப்பித்த உத்தரவை ரத்து செய்து சென்னை உயர்நீதிமன்றம் உத்தரவிட்டது.

- 

சென்னை, செப். 9:

காஞ்சிபுரம் மாவட்டம், வாலாஜாபாத் வட்டம் பூசிவாக்கத்தில் பேக்கரி நடத்தி வருபவர் சிவா. இவரது கடைக்கு அதே பகுதியைச் சேர்ந்த முருகன் என்பவர் பொருள்கள் வாங்க வந்த நிலையில், இருவருக்கும் தகராறு ஏற்பட்டது. தகராறு முற்றிய நிலையில், கடையில் இருந்து சிவாவின் மருமகன் லோகேஷ்வரன் ரவி மற்றும் ஊழியர்கள் முருகனைத் தாக்கியதாகக் கூறப்படுகிறது.

இதுகுறித்து இரு தரப்பினரும் வாலாஜாபாத் காவல் நிலையத்தில் புகார் அளித்தனர். முருகனின் புகாரின்பேரில், போலீஸார் வன்கொடுமைத் தடுப்புச் சட்டத்தில் வழக்குப் பதிவு செய்தனர். பேக்கரி உரிமையாளர் சிவா அளித்த புகாரின் பேரில் முருகன் மீதும் வழக்குப் பதிவு செய்தனர்.

வன்கொடுமை தடுப்புச் சட்டத்தின் கீழ் வழக்குப் பதிவு செய்த நிலையில், பேக்கரி உரிமையாளர் மற்றும் அவரது உறவினர்கள் உள்பட 5 பேர் கைது செய்யப்படாமல் இருந்தனர்.