நிலத்தை மீட்டுத் தரக் கோரி எஸ்.பி. அலுவலகத்தில் விவசாயி தீக்குளிப்பு

தருமபுரி மாவட்ட காவல் கண்காணிப்பாளர் அலுவலகத்தில் நிலத்தை மீட்டுத் தரக் கோரி விவசாயி தீக்குளித்து தற்கொலைக்கு முயன்றது குறித்து போலீஸார் விசாரணை நடத்தி வருகின்றனர்.

- 

தருமபுரி, ஜூன் 4:

தருமபுரி மாவட்ட காவல் அலுவலக வளாகத்தில் மனு அளிக்க வந்த விவசாயி தீக்குளித்தார்.

தருமபுரி மாவட்டம், நல்லம்பள்ளி ஊராட்சி ஒன்றியத்துக்கு உள்பட்ட ராஜாதோப்பு பகுதியைச் சேர்ந்தவர் ஜெயராமன் (52). இவருக்குச் சொந்தமாக ஒன்றரை ஏக்கர் நிலம் அதே பகுதியில் உள்ளது. இந்த நிலத்தின் ஆவணங்களை தனது நண்பர் செல்வராஜிடம் கொடுத்து வங்கிக் கடனுதவி பெற்றுத்தருமாறு கேட்டுள்ளார். அவரும் நில ஆவணங்களை வைத்து பணத்தைப் பெற்றுக் கொடுத்துள்ளார். பின்னர், பணத்தைத் திரும்ப அளித்து தனது நிலத்தின் ஆவணங்களை ஜெயராமன் ஒப்படைக்க கோரினார். ஆனால் செல்வராஜ் ஆவணங்களை கொடுக்காமல் காலம் தாழ்த்தி வந்ததாகவும், இதுகுறித்து அதியமான்கோட்டை காவல் நிலையத்தில் வழக்கு விசாரணையில் உள்ளதாகவும் கூறப்படுகிறது.