ALEGRIA NAKASINATI OG KRISIS SA SUPLAY SA TUBIG

Dinaliang tabang gikan sa kagamhanan sa Probinsiya sa Sugbo ang gihangyo sa Lungsod sa Alegria human nisamot ang krisis sa suplay sa tubig nga nakaapekto sa kapin 44 porsyento sa ilang populasyon.

- (Jonnavie Villa/BDB)

Matud ni Dr. Gilberto Magallon, mayor sa Lungsod sa Alegria nga ang kakuwang sa tubig maoy labing dakong hagit nga giatubang karon sa ilang lungsod ug naglaom sila nga matubag kini pinaagi sa tabang sa Kapitolyo.

Ug tungod sa nagpadayon nga kakuwang sa tubig, gideklarar sa lokal nga kagamhanan ang state of calamity aron mapaspasan ang pagpagawas sa pundo ug ang pagpatuman sa mga lakang aron matubag ang problema.

Si Magallon nagkanayon nga ang mga barangay sa Madridejos, Valencia ug Compostela mao ang labing naapektohan sa kakuwang sa tubig samtang ang ubang bahin sa lungsod adunay igo pa'ng suplay.