'ഇമേജിനെക്കുറിച്ച് ബോധവാനല്ല'

വിനയ് ഫോർട്ട് മലയാള സിനിമയിൽ 16 വർഷം പിന്നിടുന്നു. നാടകമാണ് തന്റെ ബലമെന്നും ആ നാടകയാത്രകളിൽനിന്ന് മനസ്സിലാക്കിയ അറിവുകളാണ് കലാകാരൻ എന്ന നിലയിൽ ജീവിതത്തെ മുന്നോട്ട് നയിച്ചതെന്നും അദ്ദേഹം അഭിമാനത്തോടെ പറയുന്നു...

- സുബൈർ പി. ഖാദർ

ചെറുതും വലുതുമാ ഒട്ടേറെ വേഷങ്ങളിലൂടെ മലയാള സിനിമയിൽ തന്റേതായ ഇരിപ്പിടം ഉറപ്പിച്ച നടനാണ് വിനയ് ഫോർട്ട്. നർമം നിറഞ്ഞ കഥാപാത്രമാണെങ്കിലും അഭിനയ പ്രാധാന്യമുള്ളതാണെങ്കിലും ഓരോന്നും മികച്ചതാക്കാൻ താരത്തിന് സാധിക്കാറുണ്ട്. നാടകമാണ് തന്റെ ബലമെന്നും ആ യാത്രകളിൽ നിന്ന് മനസ്സിലാക്കിയ അറിവുകളാണ് ഒരു കലാകാരൻ എന്ന നിലയിൽ ജീവിതത്തെ മുന്നോട്ടു നയിച്ചതെന്നും അദ്ദേഹം അഭിമാനത്തോടെ പറയുന്നു. പുണെ ഫിലിം ഇൻസ്റ്റിറ്റ്യൂട്ടിൽ പഠിച്ച ചുരുക്കം മലയാള നടന്മാരിൽ ഒരാൾ കൂടിയായ വിനയ് ഫോർട്ട് കരിയറിൽ പിന്നിട്ട 16 വർഷം ഓർത്തെടുക്കുന്നതിനൊപ്പം പുതിയ വിശേഷങ്ങളും പങ്കുവെക്കുന്നു...

സിനിമക്കൊപ്പമുള്ള 16 വർഷം എങ്ങനെ വിലയിരുത്തുന്നു?

തൃപ്തികരമാണ്. ഒരു ലേണിങ് ഉണ്ടാവുക എന്നതിലാണ് വിശ്വസിക്കുന്നത്. എപ്പോഴും നല്ല ഫിലിം മേക്കേഴ്സിന്റെയും റൈറ്റേഴ്സിന്റെയും ആക്ട ഴ്സിന്റെയും കൂടെ വർക്ക് ചെയ്തു ഒരുപടി മുന്നോട്ടുപോവുക എന്നതും ലേണിങ് കൂടിയാണ്. ഒപ്പം വ്യക്തിപരമായി വളർച്ചയുണ്ടാവുക, അതിൽ വർക്ക് ചെയ്യുക, ശക്തിയും പോസിറ്റിവ് വശങ്ങളും മനസ്സിലാക്കുക, അതോടൊപ്പം പരിമിതികൾ മനസ്സിലാക്കി അവ എങ്ങനെ അതിജീവിക്കാമെന്ന് പഠിക്കുക എന്നതൊക്കെയാണ്.

മുന്നോട്ട് നോക്കുമ്പോൾ ഒരു പ്രോജക്ട് ഉണ്ടാവുക, താൽപര്യത്തോടെ വർക്ക് ചെ യ്യാൻ പറ്റുന്ന, എക്സൈറ്റ് ചെ യ്യുന്ന വേഷവും സിനിമയും ഉണ്ടാവുക എന്നതാണ് ഒരു നടനെ സംബന്ധിച്ച് ഏറ്റവും അത്യാവശ്യ കാര്യം. അത് ഭൂരിഭാഗം സമയങ്ങളിലും എനിക്കുണ്ട്.

ദേശീയ-അന്തർദേശീയ തലങ്ങളിൽ ശ്രദ്ധിക്കപ്പെടുന്ന സിനിമകൾ ചെയ്യുന്നതിനൊപ്പം കമേഴ്സ്യൽ സിനിമകളും കണ്ടന്റ് ഓറിയന്റഡ് സിനിമകളും ചെയ്യാൻ സാധിക്കുന്നുണ്ട്.

പിന്നെ മലയാള സിനിമ പോലെ ഇന്ത്യയിലെത്തന്നെ ഏറ്റവും മികച്ച ആക്ടേഴ്സുള്ള, ഏറ്റവും മികച്ച സിനിമകൾ ഉണ്ടാകുന്ന ഇൻഡസ്ട്രിയിൽ 16 വർഷമായി വർക്ക് ചെയ്യാൻ പറ്റുക അല്ലെങ്കിൽ സിനിമ മാ ത്രം ചെയ്ത് ജീവിക്കാൻ പറ്റുക എന്നത് വലിയ കാര്യമായി ഞാൻ കരുതുന്നു.

ഇക്കാലയളവിൽ വിനയ് ഫോർട്ട് എന്ന നടനുണ്ടായ മാറ്റങ്ങൾ?