ഒറ്റക്കാവില്ല.കൂട്ടിനുണ്ട് ടെക്നോളജി

പ്രായമായവരുടെ ദൈനംദിന ജീവിതം ആയാസരഹിതമാക്കാൻ സഹായിക്കുന്ന, വിപണിയിൽ ലഭ്യമായ ചില ആധുനിക ഉപകരണങ്ങളും സാങ്കേതികവിദ്യകളും പരിചയപ്പെടാം...

- ഡോ. അനുശ്രീ എ.എസ് Associate Consultant, Geriatric Medicine, Aster Medcity, Kochi

കേരളത്തിലെ ജനസംഖ്യയിൽ പ്രായമായവരുടെ എണ്ണം വർധിച്ചുവരുകയാണ്. പല വീടുകളിലും വയസ്സായ അച്ഛനമ്മമാർ ഒറ്റക്ക് താമസിക്കുന്ന സാഹചര്യം ഇപ്പോൾ കേരളത്തിലുണ്ട്.

ഇങ്ങനെ ഒറ്റക്ക് താമസിക്കുമ്പോൾ ഉണ്ടാകുന്ന ശാരീരികവും മാനസികവുമായ ബുദ്ധിമുട്ടുകളെ നേരിടാൻ ഇന്ന് ആധുനികസംവിധാനങ്ങളുണ്ട്. വീട്ടിലെ പ്രായമായവർക്ക് സഹായകരമാവുന്ന ചില ആധുനിക ഉപകരണങ്ങളും സാങ്കേതിക വിദ്യകളും പരിചയപ്പെടാം...

വീട്ടിലെ പ്രാഥമിക വൈദ്യപരിശോധനകൾക്ക് ആവശ്യമായ ചില ഉപകരണങ്ങൾ...

ഡിജിറ്റൽ തെർമോമീറ്റർ: പനിയുണ്ടെങ്കിൽ പെട്ടെന്ന് കണ്ടെത്താനും തുടർച്ചയായി നിരീക്ഷിക്കാനും സഹായിക്കുന്ന ഉപകരണം. ലളിതമായ രീതിയിൽ ശരീര ഊഷ്മാവ് നിരീക്ഷിക്കാൻ കഴിയും എന്നതാണ് പ്രത്യേകത. പ്രായമായവർക്ക് ഏതെങ്കിലും വിധത്തിലുള്ള അണുബാധകൾ ഉണ്ടായിട്ടുണ്ടെങ്കിൽ അത് നേരത്തേ തിരിച്ചറിയാനും സഹായിക്കും.

ബി.പി മോണിറ്റർ: രക്ത സമ്മർദം കൃത്യമായി നിരീക്ഷിക്കാൻ സഹായിക്കുന്ന, എളുപ്പം ഉപയോഗിക്കാവുന്ന ഉപകരണം. കൃത്യമായ ഇടവേളകളിൽ വീട്ടിൽ തന്നെ രക്തസമ്മർദം നിരീക്ഷിക്കാനും ആ വിവരം ഡോക്ടർക്ക് കൈമാറാനും ബി.പി മോണിറ്ററുകൾ ഉപയോഗിക്കാം.

ഗ്ലൂക്കോമീറ്റർ: പ്രമേഹ രോഗികൾക്ക് രക്തത്തിലെ പഞ്ചസാരയുടെ അളവ് വീട്ടിലിരുന്ന് നിരീക്ഷിക്കാൻ സഹായിക്കും. ഹൈപ്പോഗ്ലൈസീമിയ (രക്തത്തിലെ പഞ്ചസാര കു റയുന്നത്) അല്ലെങ്കിൽ ഹൈപ്പർഗ്ലൈസീമിയ (രക്തത്തിലെ പഞ്ചസാര കൂടുന്നത്) പോലുള്ള അവസ്ഥകൾ തടയാൻ വലിയൊരളവുവരെ ഈ ഉപകരണങ്ങൾ സഹായിക്കുന്നു.

പൾസ് ഓക്സിമീറ്റർ: രക്തത്തിലെ ഓക്സിജന്റെ അളവും ഹൃദയമിടിപ്പും അളക്കാൻ പൾസ് ഓക്സിമീറ്റർ ഉപയോഗിക്കാം. ശ്വാസതടസ്സമോ ഹൃദയസംബന്ധ പ്രശ്നങ്ങളോ ഉള്ള മുതിർന്നവർക്ക് ഇത് വളരെ ഉപയോഗപ്രദമാണ്.

ഡിജിറ്റൽ വെയിങ് സ്കെയിൽ ശരീരഭാരം പതിവായി നിരീക്ഷിക്കുന്നത് വണ്ണം കുറക്കാൻ മാത്രമല്ല, ശരീരത്തിൽ ആവശ്യത്തിന് ജലാംശം ഉണ്ടോ എന്ന് നോക്കാനും വെയിങ് സ്കെയിലുകൾ സഹായിക്കും.

പിൽ ഓർഗനൈസർ ഡിസ്പെൻസർ: ഒന്നിലധികം മരുന്നുകൾ കഴിക്കുന്ന മുതിർന്നവർക്ക് ഏത് മരുന്ന് എപ്പോൾ കഴിക്കണം എന്ന് ഓർക്കാൻ സഹായിക്കുന്ന ലളിതവും എന്നാൽ, ഫലപ്രദവുമായ ഉപകരണം. ഓരോ ദിവസവും കഴിക്കേണ്ട മരുന്നുകൾ ഏതൊക്കെയാണെന്ന ആശയക്കുഴപ്പം ഒഴിവാക്കാനും മരുന്നുകൾ കൃത്യസമയത്ത് കഴിച്ചിട്ടുണ്ടോ എന്നറിയാനും ഇവ സഹായിക്കും.

മരുന്ന് കഴിക്കാൻ ഓർമിപ്പിക്കുന്ന മൊബൈൽ ആപ്പുകൾ: