அமெரிக்க அதிபரின் ரகசிய உக்ரைன் பயணம்... ஏன்?

ரஷ்யா உக்ரைன் மீது தொடுத்த போர் தொடங்கி பிப்ரவரி 24 அன்று ஓராண்டு முடிந்தது. போரின் உக்கிரம் தாற்காலிகமாக சற்று தணிந்திருந்தாலும் எவரும் சமாதானத்தைப் பற்றி பேசக் கூட தயாராக இல்லை.

- கர்னல் ஆர். ஹரிஹரன்

இத்தகைய சூழ்நிலையில், பிப்ரவரி 20 அன்று, முன்னறிவிப்பு ஏதும் இல்லாமல், உக்ரைன் தலைநகரான கியேவுக்கு, அமெரிக்க அதிபர் ஜோ பைடன் ரகசிய பயணம் மேற்கொண்டது பலரையும் வியப்பில் ஆழ்த்தியது.

அமெரிக்க அதிபர் வழக்கமாக தனது விசேஷ விமானத்தில் பயணிப்பார். சென்ற ஆண்டு அதிபர் பைடன், உக்ரைன் போனபோது, அவ்விமானத் தில் போனார். அதற்கு மாறாக, இம்முறை பைடன் ரயில் மூலமாக உக்ரைன் தலைநகரை அடைந்த போது, விமானத் தாக்குதலை அறிவிக்கும் சை ரன்கள் ஒலித்தன. ஆனால் அசம்பாவிதம் எதுவும் நிகழவில்லை. இந்த நிகழ்வு உலக ஊடகங்கள் இடையே மேலும் சலசலப்பை உண்டாக்கியது.