കോൾഡിറ്റ്സിലെ ഗ്ലൈഡർ

ESCAPED! സാഹസികമായ രക്ഷപ്പെടലുകൾ

- ബിമൽകുമാർ രാമങ്കരി

രണ്ടാം ലോകമഹായുദ്ധത്തിൽ അനേകം സൈനികർ തടവുപുള്ളികളായി. പലരും ക്രൂര പീഡനമേറ്റു മരിച്ചു. ചിലരെങ്കിലും തടവുചാടി. അവരിൽ ചിലരൊക്കെ വീണ്ടും ശത്രുക്കളുടെ പിടിയിലായി.

ഇങ്ങനെ തടവു ചാടി വീണ്ടും പിടിയിലാകുന്നവരെ പാർപ്പിക്കാൻ ജർമ്മനിയിൽ ഒരു കോട്ടയുണ്ടായിരുന്നു. അത് "കോൾഡിറ്റ്സ് ക്യാംപ്' എന്നറിയപ്പെട്ടു.

അന്നത്തെ നിലയ്ക്ക് അത്യാധുനികമായ എല്ലാ നിരീക്ഷണ സംവിധാനങ്ങളും കോൾഡിറ്റ്സ് ക്യാംപിലുണ്ടായിരുന്നു. അതുകൊണ്ടു തന്നെ അവിടെനിന്ന് ആർക്കും രക്ഷപ്പെടാനാവില്ല എന്നായിരുന്നു വിശ്വാസം.

“നിരീക്ഷണ ടവറിൽ തോക്കേന്തിയ സൈനികരാണ്. നമ്മൾ ഒന്നനങ്ങിയാൽ വെടിപൊട്ടും!” തടവു പുള്ളികൾ പരസ്പരം പറഞ്ഞു.