"പാപ്പിയോണിന്റെ കഥ

ESCAPED! സാഹസികമായ രക്ഷപ്പെടലുകൾ

- ബിമൽകുമാർ രാമങ്കരി

എപ്പോഴും ഇളകിമറിയുന്ന കടൽ അതിൽ ചുറ്റിത്തിരിയുന്ന രക്തദാഹികളായ കൊമ്പൻ സ്രാവുകൾ മറ്റു ഭീകര കടൽ ജീവികൾ. കപ്പലുകളെ തകർക്കാൻ കാത്തിരിക്കുന്ന കരിമ്പാറക്കെട്ടുകൾ! തെക്കേ അമേരിക്കയുടെ പടിഞ്ഞാറൻ തീരത്തെ ഡെവിൾസ് ഐലന്റിനു ചുറ്റുമുള്ള അന്തരീക്ഷം ഇതാണ്.

ഇവിടെ ഒരു തടവറയുണ്ട്. ഫ്രാൻസിന്റെ നാനാഭാഗത്തു നിന്നും കൊണ്ടുവരുന്ന കൊടും കുറ്റവാളികളെ താമസിപ്പിക്കുന്ന ഒരു പീനൽ കോളനി 1932 ൽ ഹെൻറി ചാരിയർ എന്ന തടവു പുള്ളി ആ ജയിലിൽ അടയ്ക്കപ്പെട്ടു.

"എന്തായിരുന്നു കുറ്റം?” ഒരു തടവുപുള്ളി ചോദിച്ചു. അപ്പോൾ അയാൾ പറഞ്ഞു:

“സേഫുകൾ തകർത്തു മോഷണം; ഒപ്പം കൊലക്കുറ്റവും. പക്ഷേ, ആ കൊലപാതകം ഞാൻ ചെയ്തതല്ല!” അയാൾ പറഞ്ഞു.