സ്റ്റലാഗ് ലഫ്റ്റ് III

"ദ് ഗ്രേറ്റ് എസ്കേപ്പ്' എന്ന പേരിൽ യുദ്ധചരിത്രത്തിൽ ഈ സംഭവം പ്രധാനപ്പെട്ട സ്ഥാനം നേടി. ഇതേ പേരിൽ ഒരു സിനിമയും വന്നു.

- ബിമൽകുമാർ രാമങ്കരി

രണ്ടാം ലോകമഹായുദ്ധത്തിൽ കീഴടക്കപ്പെട്ട സൈനികർക്കായി ജർമനി അനേകം തടവറകൾ നിർമ്മിച്ചിരുന്നു. അവയിൽ ഒന്നായിരുന്നു സ്റ്റലാഗ് ലഫ്റ്റ് III എന്ന കുപ്രസിദ്ധ തടവറ.

അവിടെ ഗാർഡുകൾക്കു നന്നായി കാണാനാകുംവിധം ഉയർന്ന പ്ലാറ്റ്ഫോമിലാണ് തടവുപുള്ളികളുടെ മുറികൾ. മുകൾപ്പരപ്പിലെ മണ്ണ് കറുപ്പും താഴത്തെ മണ്ണ് കടും മഞ്ഞയുമായിരുന്നു. തടവുപുള്ളികൾ തുരങ്കമുണ്ടാക്കാൻ ശ്രമിച്ചാൽ വേഗം തിരിച്ചറിയാനാണിത്.

ധാരാളം ഗാർഡുകൾ, അവർക്കു വേണ്ടത് നീരീക്ഷണ ഗോപുരങ്ങൾ, കമ്പിവേലി... അങ്ങനെ വരുന്നവരാരും രക്ഷപ്പെടാതിരിക്കാൻ വേണ്ടതെല്ലാം അവിടെയുണ്ടായി രുന്നു.

എന്നാൽ റോജർ ബുഷൽ എന്ന തടവുപുള്ളി അത്രവേഗം മനസ്സു തളരുന്ന ആളായിരുന്നില്ല.