ഡോമിനർ 400

350 സിസി എൻജിനുമായി ഡോമിനറിന്റെ പുതിയ മോഡൽ

- നോബിൾ എം. മാത്യു

ബജാജ് ഡോമിനർ നിരത്തിലെത്തിയിട്ടു പത്തു വർഷമാകുന്നു. 2016 ഡിസംബറിലാണ് ബജാജിന്റെ ഫ്ലാഗ് ഷിപ് മോഡൽ ഡോമിനർ എത്തുന്നത്. സ്പോർട് ടൂറർ കാറ്റഗറിയിലെ ബജാജിന്റെ ആദ്യ വാഹനവും ഇതു തന്നെ. സ്ട്രീറ്റ് നേക്കഡ് ബൈക്കിനിം സ്പോർട് ടൂററിനും ഇടയിലേക്കായിരുന്നു ഡോമിനറി ന്റെ വരവ്. അതുകൊണ്ടുതന്നെ യുവാക്കളുടെ ഇടയിൽ ഡോമിനർ പെട്ടെന്നുതന്നെ താരമായി. കെടിഎമ്മിൽ നിന്നുള്ള 373 സിസി എൻജിൻ തന്നെയായിരുന്നു ഹൈലൈറ്റ്. ഒപ്പം പ്രീമിയം ഫീച്ചറുകളും ഡോമിനറിനെ വിപണിയിലെ താരമാക്കി. കാലത്തിനനുസരിച്ച് മാറ്റങ്ങളുമായി ഡോമിനർ വിപണിയിൽ സജീവമാണ്. ട്രാൻസ് സൈബീരിയൻ ഒഡീസി അടക്കമുള്ള നേട്ടങ്ങളും ഡോമിനറിന്റെ യാത്രയിലെ നേട്ടങ്ങളാണ്. ഇപ്പോഴിതാ പുതിയ എൻജിൻ നൽകി ഡോമിനറിനെ ബജാജ് പരിഷ്കരിച്ചിരിക്കുകയാണ്. പുതുമകൾ എന്തെല്ലാമെന്ന് നോക്കാം.

350 സിസി എൻജിൻ

ട്രയംഫ് മോഡലുകളിൽ പുതിയ 350 സിസി എൻജിൻ അവതരിപ്പിച്ചതിന്റെ ചുവടുപിടിച്ചാണ് ബജാജ് ഡോ മിനറിനും എൻഎസിനും പുതിയ 350 സിസി എൻജിൻ നൽകിയത്.