നഗ്നതയെ കുറിച്ചുള്ള ചോദ്യങ്ങൾ അവഗണിക്കേണ്ടതില്ല

കുട്ടി നഗ്നതയെ കുറിച്ചു ചോദിക്കുമ്പോൾ പതറിപ്പോകാറുണ്ടോ? ഉത്തരം പറഞ്ഞാലും അതു ശരിയായോ എന്നു ചിന്തിക്കാറുണ്ടോ?

- സ്വാതി ജഗ്ലീഷ് സെക്ഷ്വാലിറ്റി എജ്യൂക്കേറ്റർ

മിക്ക  മാതാപിതാക്കളും ചോദിക്കുന്ന ചോദ്യമാണു കുട്ടിക്കു മുന്നിൽ നഗ്നത (അറിഞ്ഞോ അറിയാതെയോ) കാണിക്കുന്നതിൽ പ്രശ്നമുണ്ടോ എന്ന്. മാതാപിതാക്കൾ മനസ്സിലാക്കേണ്ട കാര്യം മനുഷ്യരുണ്ടായിട്ടു കൂടുതൽ കാലവും നമ്മൾ വസ്ത്രങ്ങൾ ഇല്ലാതെയാണു ജീവിച്ചു പോന്നത് എന്നതാണ്.

നഗ്നതയെ ഉൾക്കൊണ്ട് പാരമ്പര്യമാണു ഭാരതത്തിനുള്ളത്. മുൻകാലങ്ങളിൽ കേരളമുൾപ്പെടെയുള്ള സ്ഥലങ്ങളിൽ സ്ത്രീകളടക്കമുള്ളവർ മേൽവസ്ത്രങ്ങൾ ധരിക്കാതെ പൊതു ഇടങ്ങളിൽ വിഹരിക്കുകയും ജോലി ചെയ്യുകയും ചെയ്തിട്ടുണ്ട്.

മുതിർന്നവരെ പോലെ കുട്ടികൾ നഗ്നശ രീരത്തെ ലൈംഗികവൽക്കരിക്കുന്നില്ല. എന്നാണു നമ്മൾ തിരിച്ചറിയേണ്ട വസ്തുത.

കുട്ടികളുടെ തലച്ചോറിലെ ലൈംഗികതയെ സംബന്ധിക്കുന്ന ഭാഗത്തിന്റെ വളർച്ച നടക്കുന്ന പ്രായം എട്ടു വയസ്സു കഴിഞ്ഞാണ്.

അതുകൊണ്ടു തന്നെ കൊച്ചുകുഞ്ഞ് മാതാപിതാക്കളെ നഗ്നരായി കണ്ടാലും കുട്ടിയുടെ വളർച്ചയ്ക്ക് അതു യാതൊരു തരത്തിലുള്ള പ്രശ്നങ്ങളും ഉണ്ടാക്കില്ല.