കിനാ കാണും സ്വരങ്ങൾ

കളങ്കാവലിലെ 'നിലാ കായും വെളിച്ചം എന്ന ഗാനത്തിലൂടെ മനസ്സിൽ പതിഞ്ഞ വിന്റേജ് ശബ്ദത്തിനുടമ സിന്ധു ഡെൽസന്റെ വിശേഷങ്ങൾ

- അഞ്ജലി അനിൽകുമാർ

മമ്മൂക്കയുടെ "യെസ്

വീട്ടുജോലികളുമായി തിരക്കിട്ടു നിന്ന ഒരു ദിവസം മകൻ നെവിൻ പറഞ്ഞു, "അമ്മ വിന്റേജ് മൂഡിൽ ഒരു പാട്ടു പാടി തരണം' എന്ന്. എന്തിനാണ് എന്നൊന്നും വ്യക്തമായി പറഞ്ഞില്ല. സംഗീത സംവിധായകൻ മുജീബ് മജീദിന്റെ അഡീഷനൽ പ്രോഗ്രാമറാണ് നെവിൻ. മോന്റെ ഹോം സ്റ്റുഡിയോയിൽ നിന്നു പാടി അയച്ചു കൊടുത്തു. പാട്ടിന്റെ അണിയറ പ്രവർത്തകർ ഓക്കെ പറഞ്ഞെങ്കിലും മമ്മൂക്കയുടെ അഭിപ്രായം അറിയുന്നതിനുള്ള കാത്തിരിപ്പായിരുന്നു പിന്നീടുള്ള ഒരാഴ്ച. മമ്മൂക്ക യെസ് പറഞ്ഞതിനു ശേഷമാണ് എന്റെ ശബ്ദം "നിലാ കായും വെളിച്ചത്തിനായി തിരഞ്ഞെടുക്കപ്പെട്ടത്. മന്നനെ നീ.. എൻ വൈഗൈ... എന്നീ ഗാനങ്ങൾ ബോണസായി കിട്ടിയതാണ്.

ഇതു പ്രേതഗാനമാണോ ?