Groot toets wag teen Cheetahs

Ná drie agtereenvolgende oorwinnings, teen moeilike teenstanders, sal die Dotsure SWD Arende se selfvertroue beslis 'n stewige hupstoot gekry het vir Saterdagmiddag se kragmeting teen die Toyota Cheetahs op Outeniquapark in George.

- Hugo Redelinghuys

Janus Venter (haker) brul van vreugde nadat die Arende die Boland Kavaliers op Outeniquapark geklop het. By hom is sy spanmaat Kyle Cyster. Klop die Arende Saterdag die Cheetahs, gaan die spelers weer uiting aan hul gevoelens gee.

"Maar hierdie kan sekerlik ons grootste toets tot dusver wees teen 'n span met diepte en wat wemel van opwindende spelers wat bekend is vir hul aanvallende spel."

Só sê die Arende-hoofafrigter, Heyneke Meyer, oor dié groot toets wat voorlê. “Ons sal op ons beste moet wees en ons besef wat dit gaan verg om die Vrystaters op ons tuisveld om te klink. Maar ons hou ons voete plat op die grond, bly gefokus op die moeilike stryd wat voorlê en wil net Saterdag ons allerbeste gee.”