കറുപ്പുപണത്തില്‍ കണ്ണദാസനൊപ്പം

ഒരേയൊരു ഷീല

- എം. എസ്‌. ദിലീപ്‌

പാസത്തില്‍ വച്ച്‌ ഷീല പരിചയപ്പെട്ട മറ്റൊരു തമിഴ്‌ താരമുണ്ട്‌. സാക്ഷാല്‍ എം.ആര്‍.രാധ. നായകനായും വില്ലനായും സഹനടനായും തകര്‍ത്ത്‌ അഭിനയിച്ചിരുന്ന നടനാണു രാധ. അക്കാലത്തെ ഏറ്റവും താരമൂല്യമുള്ള വില്ലന്‍. അങ്ങനെയിരിക്കെ, എം.ആര്‍.രാധ എംജിആറിനു നേരെ വെടിയുതിര്‍ത്തു. തമിഴകമാകെ ഇളകി മറിഞ്ഞു. എംജിആറും എം.ആര്‍.രാധയും സുഹൃത്തുക്കളും സഹ പ്രവര്‍ത്തകരുമായിരുന്നു. അവര്‍ രണ്ടു പേരും ഒന്നിച്ച്‌ ഒരേ ദിവസം ഒരേ ഇടത്തുനിന്നു വാങ്ങിയ തോക്കുകളിലൊന്നാണു രാധയുടെ കയ്യില്‍ ഉണ്ടായിരുന്നത്‌. എംജിആറിന്റെ ശരീരത്തില്‍ രണ്ടു വെടിയുണ്ടകള്‍ തറഞ്ഞു. ചെവിക്കു താഴെയും തൊണ്ടയിലും. തുടര്‍ന്ന്‌ എം. ആര്‍. രാധ സ്വന്തം ശരീരത്തിലേക്കു വെടിവച്ച്‌ ആത്മഹത്യയ്ക്കു ശ്രമിച്ചു. തമിഴകമാകെ ഇളകിമറിഞ്ഞു.