അഗ്നി സാന്നിധ്യം വിവിധ ഹോമങ്ങളിൽ

അഗ്നിക്ക് നമ്മളുടെ ജീവിതത്തിലും ദേവകളുടെ ജീവിതത്തിലും വളരെയധികം പ്രാധാന്യമുണ്ട്

- ബാബുരാജ് പൊറത്തിശ്ശേരി 9846025010

അഗ്നിക്ക് നമ്മളുടെ ജീവിതത്തിലും ദേവകളുടെ ജീവിതത്തിലും വളരെയധികം പ്രാധാന്യമുണ്ട്. സീതാദേവി അഗ്നിയിൽ പ്രവേശിച്ചാണ് തന്റെ ചാരിത്ര്യശുദ്ധി തെളിയിച്ചത്. ദ്രൗപതി അഗ്നികുണ്ഡത്തിൽ നിന്നും പ്രത്യക്ഷയായതിനാലാണ് അഞ്ചുപേരുടെ പത്നിയായത്. അവർ ഓരോ തവണയും അഗ്നിയിൽ കുളിച്ച് തന്നെ പരിശുദ്ധയാക്കിയ ശേഷമെ ഓരോ ഭർത്താക്കന്മാരേയും പ്രാപിക്കുമായിരുന്നുള്ളു. അഗ്നികുണ്ഡത്തിൽ പ്രത്യക്ഷപ്പെട്ട പാത്രത്തിലുണ്ടായിരുന്ന പായസം കഴിച്ച ദശരഥപത്നിമാർ രാമ-ലക്ഷ്മണ ഭരത ശത്രുഘ്നന്മാരെ പ്രസവിച്ചു. പരമശിവന്റെ നെറ്റിക്കണ്ണ് അഗ്നിയെ വെളിപ്പെടുത്തുന്നതാണ്. അഗ്നിയുമായി ബന്ധപ്പെട്ട് നിരവധി കഥകൾ ഇതു പോലെ പുരാണങ്ങളിൽ ഇനിയും കാണാം.

ജീവിതത്തിന്റെ തുടക്കം മുതൽ അവസാനം വരെയുള്ള നല്ല കാര്യങ്ങൾക്കും അഗ്നി അത്യന്താപേക്ഷിതമാണ്. വിവാഹം പോലും അഗ്നിസാക്ഷിയായിട്ടാണ് നടത്തപ്പെടുന്നത്. ജീവിതം അവസാനിച്ച ശേഷം നമ്മുടെ ശരീരം പോലും അഗ്നിക്ക് ഇരയാവുന്നു. അഗ്നി ഇല്ലാതെ പാചകം മാത്രമല്ല ദൈവവഴിപാടുകൾ പോലും പൂർണ്ണമാകുന്നില്ല. യാഗകുണ്ഡത്തിലേക്ക് നമ്മൾ ചില ദ്രവ്യങ്ങൾ അർപ്പിക്കുന്നു. അവയെ ദേവന്മാരുടെ ഹവിർഭാവമായി എത്തിക്കുന്നത് അഗ്നിയാണ്. ഇനി അഗ്നിയിൽ സമർപ്പിക്കുന്ന വിവിധതരം ഹോമങ്ങളെ പരിചയപ്പെടുത്താം. അത്ഭുതശക്തിയുള്ള പതിനാറ് ഹോമങ്ങൾ,

1. ഗണപതിഹോമം: ഗണപതിഹോമം എന്ന് കേൾക്കാത്തവരായി ആരും ഉണ്ടാകില്ല. പുതിയൊരു വീട് പണിത് താമസത്തിന് മുൻപ് ഗണപതിഹോമം നടത്തിയിട്ടു മാത്രമെ വാസ്തുപൂജയായാലും ഭഗവതിസേവയായാലും നടത്തുകയുള്ളു. പുതിയതായി തുടങ്ങുന്ന ഏത് സംരംഭങ്ങൾക്കും മുന്നോടിയായി നടത്തുന്നതാണ് ഗണപതിഹോമം. വിഘ്നങ്ങൾ ഒഴിവാക്കാനാണ് ഇത് നടത്തുന്നത്. വിഘ്നനിവാരണത്തിനും ഐശ്വര്യസമ്പൽസമൃദ്ധിക്കും കൂടിയാണ് ഗണപതി ഹോമം.

2. മൃത്യുഞ്ജയഹോമം: രോഗശാന്തിക്കും ആരോഗ്യലബ്ധിക്കുമാണ് മൃത്യുഞ്ജയ ഹോമം നടത്തുന്നത്. ക്ഷേത്രങ്ങ