ഉത്തമമീ എണ്ണ തേച്ചുകുളി

പണ്ടുതൊട്ടേ എണ്ണതേച്ചു കുളി നമുക്കൊരു ശീലമായിരുന്നു

- ഡോ. പി.ബി. രാജേഷ്

സൂര്യനുദിക്കുന്നതിന് മുമ്പ് നല്ലെണ്ണയോ വെളിച്ചെണ്ണയോ തേച്ചാണ് നാം കുളിച്ചിരുന്നത്. വെളിച്ചെണ്ണ ശരിക്കുമൊരു ആന്റി സെപ്റ്റിക് ലോഷനാണ്. പതിവായി നല്ലെണ്ണ തേയ്ക്കുന്നത് തലമുടി കൊഴിയാതിരിക്കാനും ചർമ്മത്തിന് തിളക്കമുണ്ടാകാനും ഉപകാരപ്പെടും. എള്ളെണ്ണയെ നാം നല്ലെണ്ണ എന്നാണ് വിളിക്കുന്നത്.

എള്ളെണ്ണ കേടായ ചർമ്മകോശങ്ങളെ നന്നാക്കുകയും ഫാറ്റി ആസിഡുകളുടെയും വിറ്റാമിനുകളുടെയും സാന്നിധ്യം മൂലം ചർമ്മ ത്തിൽ ഉണ്ടാവുന്ന ചുളിവുകളും നേർത്ത വരകളും കുറയ്ക്കുന്നു. എള്ളിൽ അടങ്ങിയ പോളിഫെനോളുകൾ ചർമ്മത്തിൽ അധികമയ എണ്ണമയം നീക്കി തിളക്കം പുനഃസ്ഥാപിക്കുന്നു.