വീടുകളിലും വ്യാപാര- വ്യവസായ സ്ഥാപനങ്ങളിലും ചിത്രങ്ങൾ വയ്ക്കാമോ?

വീടുകളിലും പൂജാമുറികളിലും ദേവീദേവൻമാരുടെ പ്രസന്നഭാവത്തിലുള്ള ചിത്രങ്ങളാണ് വയ്ക്കേണ്ടത്. ഇത് വീടുകളിലേയ്ക്ക് ഐശ്വര്യത്തേയും സമാധാനത്തേയും ക്ഷണിച്ചുവരുത്തുമത്രെ.

- എസ്.പി.ജെ

വീടുകളിലും പൂജാമുറികളിലും ദേവീദേവൻമാരുടെ പ്രസന്നഭാവത്തിലുള്ള ചിത്രങ്ങളാണ് വയ്ക്കേണ്ടത്. ഇത് വീടുകളിലേയ്ക്ക് ഐശ്വര്യത്തേയും സമാധാനത്തേയും ക്ഷണിച്ചുവരുത്തുമത്രെ. ഗുരുകാരണവൻമാരുടെ ഫോട്ടോകൾ വീട്ടിൽ വച്ച് പൂർവ്വിക സ്മരണ നിലനിർത്തുന്നത് ഉചിതമെങ്കിലും പൂജാമുറിയിൽ ഈശ്വരന്മാരുടെ ഫോട്ടോയ്ക്കൊപ്പം ഇത്തരം ഫോട്ടോകൾ വയ്ക്കരുത്. സ്വീകരണമുറിയിലോ മറ്റ് അനുയോജ്യമായ ഇടങ്ങളിലോ തെക്കോട്ട് അഭിമുഖമായോ ഇത്തരം ചിത്രങ്ങൾ വയ്ക്കാവുന്നതാണ്.

ക്രൂരമൃഗങ്ങളുടേയോ, പക്ഷികളുടേയോ ചിത്രങ്ങളും വീട്ടിൽ വയ്ക്കരുത്. മനസ്സിനെ ആഹ്ലാദിപ്പിക്കുകയും, ഉത്തേജിപ്പിക്കുകയും, ആശ്വസിപ്പിക്കുകയും ചെയ്യുന്ന ചിത്രങ്ങളാണ് വീട്ടിൽ വയ്ക്കേണ്ടത്.

ശ്രീരാമപട്ടാഭിഷേകം, ശ്രീകൃഷ്ണ ഭഗവാന്റെ പലവിധ ലീലകൾ, ശ്രീമുരുകൻ, ഗണപതി, പ്രാദേശിക ദേവീ-ദേവന്മാരുടെ ചിത്രങ്ങൾ എന്നിവ വീട്ടിൽ വയ്ക്കാം.

കൃഷ്ണന്റേയും രാധയുടേയും ചിത്രം വീട്ടിൽ വച്ചാൽ കുട്ടികൾ പ്രേമിച്ച് ഒളിച്ചോടുമെന്ന് പറഞ്ഞു കേൾക്കാറുണ്ട്. ഇത് തികച്ചും തെറ്റായ ചിന്തയാണ്. ദിവ്യപ്രണയത്തിന്റെ ഉദാഹരണമാണ് രാധാകൃഷ്ണ പ്രേമം.

ഭാഗവതം മനസ്സിരുത്തി വായിച്ചാൽ ഇക്കാര്യത്തിലുള്ള സംശയങ്ങൾക്ക് ഉത്തരമാകും.