Geen wenner op Pella Park

Saterdag 14 Junie het Porterville en Saron mekaar op Pella Park in 'n titaniese stryd om die Grootuitdaagbeker van die Swartland-rugbystreek in 'n derbystryd getakel. Ná 80 minute van intense rugby het die wedstryd gelykop geëindig, 'n bewys van die harde kompetisie en opwindende spelpeil wat in Boland Grootuitdaagbeker-wedstryde gehandhaaf word.

- David Rossouw

Porterville het die eerste helfte sterk begin met 'n strafskop om met 3-0 voor te loop. Saron het egter terug geslaan toe Re-John van der Ventel sy eerste van twee drieë gedruk het, en deur Conroy Witbooi suksesvol verdoel is, en hulle was 7-3 voor. Saron het twee geelkaarte ontvang, en met 13 spelers op die veld, het Porterville van die geleentheid gebruik gemaak en na ‘n verdoelde drie 10-7 voorgeloop. Saron het karakter getoon en met 'n strafskop die telling gelykop gemaak.

'n Tweede strafskop van Witbooi het Saron se telling tot 13-10 geneem net voor rustyd. Toe die spanne gaan water drink was Saron steeds 13-10 voor.