Onmin oor 'uitstapdag'

Een van die groot oomblikke in matrikulante se lewe was vir leerders van die Hoërskool Piketberg amper nie 'n werklikheid nie. Volgens ouers is die leerders van hul matriekuitstapdag ontneem nadat 'n aantal kinders die skoolterrein op Maandag 29 September te vroeg verlaat het nadat hulle daar was om hul nasionale senior sertifikaat-briewe (NSS) te ontvang.

- Noluvu Ludidi

Volgens een ouer het die skoolhoof op WhatsApp laat weet die uitstapdag is weens dié leerders se optrede gekanseleer.

"My kind het gesê die leerders het nie veel op daardie dag gedoen nie en net rondgeloop terwyl hulle vir die onderwysers gewag het. Party [onderwysers] was nog besig om aan die rekordeksamen te merk."

Volgens haar is geen kommunikasie van die skool se kant af oorgedra dat die kinders die hele dag daar moes bly nie. Die skool het glo slegs gekommunikeer dat leerders Maandag daar moet wees vir NSS-briewe, wat hulle vroegoggend gekry het.

Volgens dié ouer is die uitstapdag vir Maandag 13 Oktober beplan, maar weens die kansellasie is slegs leerders met 'n "aanvaarbare verskoning" oor die voorval na 'n uitstapontbyt genooi.