யானைப் பாகன்களுக்கான பிரத்யேக கிராமம்

முதல்வர் மு.க.ஸ்டாலின் திறந்து வைத்தார்

- 

ஆனைமலை புலிகள் காப்பகத்தில் உள்ள கோழிக்கமுத்தி யானைகள் முகாமில், இந்தியாவின் 2-ஆவது பாகன்களுக்கான பிரத்யேக கிராமத்தை முதல்வர் மு.க. ஸ்டாலின் திறந்து வைத்தார்.

இதேபோன்று, மக்கள் நல்வாழ்வு உள்பட பல்வேறு துறைகளின் நிறைவுற்ற திட்டங்களை தலைமைச் செயலகத்தில் இருந்து காணொலி மூலம் திங்கள்கிழமை முதல்வர் மு.க.ஸ்டாலின் தொடங்கி வைத்து, புதிய திட்டங்களுக்கு அடிக்கல் நாட்டினார்.

இதுகுறித்து தமிழக அரசு சார்பில் வெளியிடப்பட்ட செய்திக் குறிப்பு:

கோவை மாவட்டம் கோழிக்கமுத்தி யானைகள் முகாமில், பாகன்கள் மற்றும் யானை பராமரிப்பாளர்களின் நலனுக்காக ரூ.5.40 கோடியில் 47 பணியாளர் குடியிருப்புகள் கட்டப்பட்டுள்ளன. இந்த முகாமில் தற்போது 24 யானைகள் உள்ளது குறிப்பிடத்தக்கது.