ഇനി കെട്ടിടവും പ്രിന്റ് ചെയ്യാം

മെഷീൻ ഉപയോഗിച്ച് കെട്ടിടം പ്രിന്റ് ചെയ്തെടുക്കാം. കേരളത്തിലെ ആദ്യ ത്രീഡി പ്രിന്റിങ് കെട്ടിടം തിരുവനന്തപുരത്ത് തയാറാകുന്നു

- 

ഇനി കെട്ടിടവും പ്രിന്റ് ചെയ്തെടു ക്കാം. സംശയിക്കേണ്ട, മെഷീൻ ഉപയോഗിച്ച് പ്രിന്റ് ചെയ്തെടുക്കുക തന്നെ. ഇനിയും വിശ്വാസം വരാത്തവർക്ക് തിരുവനന്തപുരം പിടിപി നഗറിലെ നിർമിതി കേന്ദ്രം ക്യാംപസിലേക്കെത്താം. കേരളത്തിലെ ആദ്യ ത്രീഡി പ്രിന്റിങ് കെട്ടിടം നേരിട്ട് കാണാം. 250 ചതുരശ്രയടിയുള്ള കെട്ടിടത്തിന്റെ നിർമാണം ഒട്ടുമുക്കാലും പൂർത്തിയായിക്കഴിഞ്ഞു.

ഇതിനു മുൻപ് ചെന്നൈ ഐഐടിയിലും മുംബൈയിലുമൊക്കെ ത്രീഡി പ്രിന്റിങ് കെട്ടിടങ്ങൾ നിർമിച്ചിട്ടുള്ള "ത്വസ്ഥ'യുടെ നേതൃത്വ ത്തിലാണ് കെട്ടിടം നിർമിക്കുന്നത്. ചെന്നൈ ഐഐടി കേന്ദ്ര ഭവന മന്ത്രാലയവുമായി ചേർന്ന് രൂപീകരിച്ച ആഷ ഇൻകുബേറ്റർ കമ്പനിയാണ് ത്വസ്ഥ. മലയാളി സംരംഭകൻ വി. എസ്. ആദിത്യയാണ് സാരഥി. വയനാട് മുട്ടിൽ സ്വദേശിയായ ആദിത്യ ചെന്നൈ ഐഐടിയിൽ നിന്ന് ബിരുദം നേടിയ ശേഷം 2016ലാണ് ത്വസ്ഥ സ്ഥാപിക്കുന്നത്.

ത്രീഡി പ്രിന്റിങ് സാങ്കേതികവിദ്യ, കേരളത്തിലെ ആദ്യ ത്രീഡി കെട്ടിടം എന്നിവയെപ്പറ്റി ആദിത്യ വനിത വീടിനോട് സംസാരിക്കുന്നു.