പല വഴിയിൽ ലാഭം നേടാൻ സ്റ്റീൽ

വീടു നിർമാണത്തിലെ പുതിയ സൂപ്പർ മെറ്റീരിയൽ ആണ് സ്റ്റിൽ. വിവേകപൂർവം ഉപയോഗിച്ചാൽ ചെലവ് 20-30 ശതമാനം കുറയ്ക്കാം.

- 

വേഗത്തിൽ പൂർത്തിയാക്കാം പ്രീഫാബ് സ്റ്റീൽ വീട്

മൂന്നോ നാലോ മാസത്തിനുള്ളിൽ വീടുപണി പൂർത്തിയാക്കാം. അതും സാധാരണ രീതിയിലുള്ളതിനേക്കാൾ 30 - 40 ശതമാനം ചെലവ് കുറച്ച്. പ്രീ ഫാബ് സ്റ്റീൽ വീടുകളുടെ ഏറ്റവും വലിയ സവിശേഷത ഈ രണ്ടു കാര്യങ്ങളാണ്. മുൻകൂട്ടി തയാറാക്കിയ ഡിസൈൻ അനുസരിച്ച് വീടിന്റെ തറ, ചുമര്, മേൽക്കൂര എന്നിവയുടെ പ്രധാന ഭാഗങ്ങളെല്ലാം സ്റ്റീൽ ഉപയോഗിച്ച് ഫാക്ടറിയിൽ തയാറാക്കിയ ശേഷം സൈറ്റിലെത്തിച്ച് കൂട്ടിയോജിപ്പിക്കുന്ന രീതിയിലാണ് പ്രീഫാബ് വീടുകൾ നിർമിക്കുന്നത്. കട്ടകെട്ടി അതിൽ സിമന്റ് പ്ലാസ്റ്റർ ചെയ്ത് നിർമിക്കുന്ന ചുമരുകളൊന്നും പ്രീഫാബ് വീടിനുണ്ടാകില്ല.

വീടുപണിയാൻ പുതിയ ടെക്നിക്

എൽജിഎസ്എസ് (LGSFS) അഥവാ ലൈറ്റ് ഗേജ് സ്റ്റീൽ ഫയിം സ്ട്രക്ചർ ടെക്നിക് പ്രയോജനപ്പെടുത്തിയാണ് പ്രീ ഫാബ് സ്റ്റീൽ വീട് നിർമിക്കുന്നത്. സ്റ്റീൽ ഫ്രെയിം അഥവാ ചട്ടക്കൂടാണ് വീടിന്റെ മർമപ്രധാന ഭാഗം. ഡിസൈൻ പ്രകാരം ഈ ചട്ടക്കൂടിന്റെ ഓരോ ഭാഗങ്ങളായി ഫാക്ടറിയിൽ തയാറാക്കും. പിന്നീട് അത് സൈറ്റിലെത്തിച്ച് കൂട്ടിയോജിപ്പിച്ച ശേഷം ആവശ്യമായ ബോർഡുകളും പാനലുകളും പിടിപ്പിച്ച് ചുമരും സീലിങ്ങും തയാറാക്കും. കൃത്യമായി ആസൂത്രണം ചെയ്താൽ രണ്ടായിരം ചതുരശ്രയടി വലുപ്പമുള്ള വീട് നാല് മാസത്തിനുള്ളിൽ തന്നെ പൂർത്തിയാക്കാം.

കോൺക്രീറ്റ് വീടിന്റെ മൂന്നിലൊന്ന് ഭാരം

കോൺക്രീറ്റ് വീടിന്റെ മൂന്നിലൊന്ന് ഭാരമേ പ്രീഫാബ് വീടിനുള്ളൂ. അതിനാൽ തന്നെ കടുകട്ടി അടിത്തറ ആവശ്യമില്ല. ചരിവുള്ള സ്ഥലങ്ങളിലും മണ്ണിന് അധികം ഉറപ്പില്ലാത്ത സ്ഥലങ്ങളിലും ഇത്തരം വീടുകൾ പണിയാം.