കടപ്പുറത്തെ കാഴ്ചബംഗ്ലാവ്

കണ്ണൂർ മാട്ടൂൽ കടപ്പുറത്ത് സാബിറിന്റെ പെറ്റ്സ് സ്റ്റേഷൻ

- ജോബി ജോസഫ്

സംസ്ഥാനത്തുതന്നെ അപൂർവ കാഴ്ചയാണ് കണ്ണൂർ മാട്ടൂൽ സെൻട്രൽ ബീച്ചിലെ പെറ്റ്സ് സ്റ്റേഷൻ. അരുമപ്പക്ഷികൾക്കും മൃഗങ്ങൾക്കും ഉരഗങ്ങൾക്കും മത്സ്യങ്ങൾക്കുമെല്ലാമായി പെറ്റ്സ് പ്രേമിയായ ഒരു യുവാവ് സൃഷ്ടിച്ച അപൂർവ ദൃശ്യാനുഭവം. പഠിക്കുന്ന കാലത്ത് പ്രാവിനെ വളർത്തി അരുമകളോടു ചങ്ങാത്തം തുടങ്ങിയ സാബിർ സ്വന്തം അരുമലോകം കുട്ടികൾക്കും മുതിർന്നവർക്കുമായി തുറന്നു കൊടുത്തിരിക്കുന്നത് അവരെ ചിലതു പഠിപ്പിക്കാൻ കൂടിയാണ്. അരുമകളെ പരിപാലിക്കുന്ന അനേകരിൽനിന്നു സാബിറും പെറ്റ്സ് സ്റ്റേഷനും വ്യത്യസ്തമാകുന്നതും അതുകൊണ്ടുതന്നെ.

"അരുമപ്പക്ഷികളെയും മൃഗങ്ങളെയും അലങ്കാരമത്സ്യ ങ്ങളെയുമെല്ലാം വളർത്തുന്ന ഒട്ടേറെപ്പേരുണ്ട് നമ്മുടെ നാട്ടിൽ. എന്നാൽ അതെത്രത്തോളം ഗൗരവത്തോടെ കാണുന്നുണ്ട് നമ്മുടെ സമൂഹം? പെറ്റ്സിനെ വളർത്താൻ ആഗ്രഹിക്കുന്ന കുട്ടികളെ എത്രത്തോളം പ്രോത്സാഹിപ്പിക്കുന്നുണ്ട്?', സാബിർ ചോദിക്കുന്നു. ചെറിയ കുട്ടികളെ അതിന് അനുവദിച്ചാൽത്തന്നെ അവർ മുതിർന്ന ക്ലാസിലേക്ക് എത്തുന്നതോടെ മാതാപിതാക്കളും അധ്യാപകരും നിർബന്ധിച്ച് പെറ്റ്സിനെ ഒഴിവാക്കും. അതല്ല വേണ്ടത്, കുട്ടികളുടെ ജീവിതത്തിൽ പെറ്റ്സിനുണ്ടാക്കാൻ കഴിയുന്ന സ്വാധീനം സമൂഹം തിരിച്ചറിയണം. അതു ബോധ്യപ്പെടുത്താനുള്ള ശ്രമമാണ് പെറ്റ്സ് സ്റ്റേഷൻ, സാബിർ പറയുന്നു.

പെറ്റ് പേരന്റിങ്