ഏലം വിളയും പാലക്കാട്

പാലക്കാടൻ ചൂടിൽ ഏലം കൃഷിയുമായി കേരകേസരി ജേതാവ് മഹേഷ് കുമാർ

- 

ഏലത്തട്ട് ആവശ്യപ്പെട്ട് കട്ടപ്പനയിലേക്കു പതിവായി ഫോൺ വിളിക്കുന്ന മഹേഷിനോട്, "എന്തിനാ സുഹൃത്തേ കാശു കളയുന്നതെന്ന് നഴ്സറിയുടമ പല വട്ടം ചോദിച്ചു. “എന്തായാലും ഒന്നു പരീക്ഷിച്ചു നോക്കാം ചേട്ടാ'' എന്നുള്ള മഹേഷിന്റെ മറുപടിക്ക് ഒടുവിൽ നഴ്സറിയുടമ വഴങ്ങി. അങ്ങനെയാണ് കട്ടപ്പനയിൽനിന്ന് 110 ഏലത്തട്ടകൾ പാലക്കാട്ടേക്കു വണ്ടി കയറുന്നത്. 3 വർഷത്തിനിപ്പുറം പെരുമാട്ടി പഞ്ചായത്തിൽ മീനാക്ഷിപുരത്ത് തമിഴ്നാട് അതിർത്തിയോടു ചേർന്നുള്ള മഹേ ഷിന്റെ തെങ്ങിൻതോപ്പിൽ വിളവെടുപ്പിനു തയാറായി നിൽക്കുന്നു നൂറിലേറെ ഏലച്ചെടികൾ. നേരമ്പോക്ക് എന്നു പറഞ്ഞ് തള്ളിക്കളയാൻ വരട്ടെ. കാലാവസ്ഥമാറ്റം കൃഷിയിൽ സൃഷ്ടിക്കുന്ന മാറ്റമായിക്കൂടി കാണേണ്ടിവരും പാലക്കാട്ടെ ഈ ഏലംകൃഷി.