શિયાળાની રજાઓ માટે ગીર કુદરત, સિંહ અને સાહસનું અનોખું સંગમ

ફરવાનો શોખ રાખનારા લોકો માટે ઋતુ કોઇ બાંધછોડ નથી. શિયાળો હોય, ઉનાળો કે ચોમાસું! પ્લાન તૈયાર જ હોય છે. પરંતુ શિયાળાની ઋતુમાં ગુજરાતમાં કરવા માટે જે સ્થળ સૌથી વધારે આકર્ષે છે,તેમાં ગીરનું નામ પ્રથમ હરોળમાં આવે છે.

- નયન ચત્રરીયા

શિયાળાની રજાઓ માટે ગીર કુદરત, સિંહ અને સાહસનું અનોખું સંગમ

"ગીર ભારતના સૌથી જૂના અને પ્રખ્યાત અભયારણ્યોમાંનું એક છે. આ અભયારણ્ય વિશ્ર્વમાં એશિયાઇ સિંહોનું એકમાત્ર કુદરતી નિવાસસ્થાન છે"

કુદરતની હરિયાળી, વન્યજીવનની નજીકથી અનુભૂતિ અને શાંત વાતાવરણ—આ બધું ગીરને એક પરફેક્ટ વિન્ટર ડેસ્ટિનેશન બનાવે છે.

ગીર ભારતના સૌથી જૂના અને પ્રખ્યાત અભયારણ્યોમાંનું એક છે. આ અભયારણ્ય વિશ્વમાં એશિયાઇ સિંહોનું એકમાત્ર કુદરતી નિવાસસ્થાન છે. ગીર નેશનલ પાર્ક અને વાઇલ્ડલાઇફ સેક્સ્યુઆરી તરીકે ઓળખાતું આ ક્ષેત્ર જૂનથી સપ્ટેમ્બર દરમિયાન ચોમાસાને કારણે બંધ રહે છે, પરંતુ ઓક્ટોબરથી માર્ચ સુધી પ્રવાસીઓ માટેખુલ્લું રહે છે. જેશિયાળાની મુસાફારી માટે ઉત્તમ સમય ગણાય છે.