மகிழ்ச்சியான மதர்ஸ் டே

ரோஹன் எப்போதும் அன்னையர் தினத்தை பெரும் உற்சாகத்துடன் எதிர்பார்ப்பான். ஒவ்வொரு ஆண்டும், அவன் தன் அம்மாவுக்கு ஒரு அழகான வாழ்த்து அட்டை செய்து, சில சுவையான உணவுகளை தயாரிப்பான்.

- அல்கா ஜெயின்

அவனது முயற்சிகள் எப்போதும் அம்மாவிடம் புன்னகை பூக்க வைக்கும். அவளும் அன்புடன் அவனது பரிசுகளை ஏற்றுக் கொள்வாள். இந்த ஆண்டும் ரோஹன் அவளுக்கு ஒரு ஆச்சரியத்தை திட்டமிட்டிருந்தான்.

ஆனால் ஒரு நாள் காலையில், அவன் விழித்தெழுந்ததும், அவனது பெற்றோர் ஒரு வருத்தமான செய்தியை சொன்னார்கள்.

“நாங்கள் மூன்று நாட்களுக்கு மற்றொரு நகரத்திற்கு செல்ல வேண்டும். அங்கு ஒரு முக்கியமான வேலை உள்ளது,” அவன் அம்மா மெதுவாக சொன்னாள்.

“அம்மா, அன்னையர் தினத்தன்று நான், நீ இல்லாமல் எப்படி இருப்பேன்?” அவன் அழுது கொண்டே கேட்டான்.

அவன் அம்மா அன்புடன் அவன் தலையை தடவினாள்.

“ரோஹன்! இது முக்கியமான காரியம். நீ தனியாக இருக்க வேண்டியது அல்ல, நாங்கள் உன்னை டீனாவின் வீட்டில் விட்டுச் செல்கிறோம். அங்கு நீ ஜாலியாக இருப்பாய்!” என்று புன்னகையுடன் சொன்னாள்.

ரோஹனுக்கு மகிழ்ச்சியாக இருக்க வேண்டும். டீனா அவனது சிறந்த நண்பி. அவள் வீடு ஒரு பெரிய பூங்காவின் அருகில் இருந்தது. அங்கு எப்போதும் ஏதாவது சுவாரசியமாக நடக்கும். ஆனால் இந்த முறை அவன் உற்சாகமாக இல்லை. தன் அம்மாவுடன் அன்னையர் தினத்தை கொண்டாடவே விரும்பினான்.

மறுநாள், அவன் அம்மா அவனது சிறிய பெட்டியை தயார் செய்தாள். ரோஹன் மௌனமாக தான் செய்த அட்டையை அதில் வைத்தான். அவன் வருத்தத்தில் இருப்பது தெளிவாகத் தெரிந்தது.

“கவலைப்படாதே குட்டி! நான் திரும்பி வந்ததும், உனக்கு கேரட் பாயசம் செய்து தருவேன்,” என்று அம்மா அவனை கட்டிப்பிடித்து கொண்டு சொன்னாள்.

ரோஹனின் கண்களில் கண்ணீர் துளிர்த்தது. ஆனால் அவன் தன்னை கட்டுப்படுத்திக் கொண்டான்.

டீனாவின் வீட்டிற்கு வந்ததும், டீனாவின் அம்மா யாமினி ஆன்ட்டி அவனை அன்பாக கட்டிப் பிடித்தாள்.