பிரியாவும் தோட்ட அரக்கனும்

அந்த பள்ளியில் திடீரென மணி அடித்தது. ஆனால் அது வழக்கமானதை விட ஏதோ ஒரு எச்சரிக்கையாகவே இருந்தது. உடனே குழந்தைகள் அனைவரும் விளையாட்டு மைதானத்திற்குள் குழுமினர். அப்போது அங்கு பிரியா வந்தாள். அந்த பெரிய ஆலமரத்தின் நிழலில் அமர்ந்து கையில் கொண்டு வந்திருந்த ஓவியப் புத்தகத்தை திறந்து ஒரு சிறிய, ஆறு கால்கள் கொண்ட எறும்பை வரைந்தாள். அது பத்து மடங்கு பெரிய உணவுத் துண்டுகளை இழுத்துச் சென்ற மாதிரி அழகாக வரைந்தாள்.

- அபினவ் குமார்

அந்த சமயத்தில் திடீரென்று அவளுடைய நண்பன் சமீர் அவள் முன் வந்து, “நீ பூச்சிகளை வரைகிறாயா?” என்று கேட்டான். அதைக் கேட்ட பிரியா, “அது ஒரு பூச்சி அல்ல. அது ஒரு சாம்பியன்” என்றாள்.

உடனே எறும்பின் கண்ணில் ஒரு பிரகாசத்தைச் சேர்த்தாள். திடீரென மைதானத்தின் ஓரத்தில் இருந்த ஒரு சிறிய கொட்டகையிலிருந்து ராமு வெளியில் வந்தார்.

அவரின் முகம் சுருக்கங்களால் நிரம்பியிருந்தது. அவரின் உதட்டுக்கு மேலே, தொங்கிய மீசையும் இருந்தன. அது அடர்த்தியான, கருப்பு, ரோமங்கள் நிறைந்த கம்பளிப்பூச்சி தூங்கி விட்டதைப் போலத் தெரிந்தது. அவரின் குரல் இடி முழக்கம் போல ஒலித்தது. அதைக் கேட்ட குழந்தைகள் அனைவருமே உறைந்து போய், கிட்டத்தட்ட சிலைகளாக மாறினர்.

ராமு நடந்து வந்து, தனது கட்டை விரலுக்கும் ஆள்காட்டி விரலுக்கும் இடையில் இருந்த பந்தை, ஒரு துர்நாற்றம் வீசும் சாக்ஸ் போல எடுத்து வந்து நின்றவர் அமைதியான கூட்டத்தைப் பார்த்தார். இது என்ன விளையாட்டு மைதானமா? அங்கே போய் விளையாடுங்க. என ஆத்திரமாக பேசிவிட்டு தனது கொட்டகைக்குத் திரும்பிச் சென்றார்.

அதைக்கேட்டதும் சமீர், “இவர் ஒரு முழு தோட்ட அசுரன்.” கிசுகிசுத்தான் ஆனால் பிரியா ராமுவை ஒரு அசுரனைப் போல பார்க்கவில்லை; அதில் ஏதோ ஒரு மர்மத்தைக் கண்டாள்.

எப்படியோ, அன்று மதியம் அதை தீர்க்க அவளுக்கு ஒரு வாய்ப்பு கிடைத்தது. ஒரு காற்று அவளது தலைமுடியிலிருந்து சிவப்பு நாடாவை பறக்கவிட்டது.. அது தடை செய்யப்பட்ட தோட்டத்திற்குள் இருந்த ஒரு ரோஜா செடியில்சிறிய காத்தாடி போல காற்றில் பறந்து நடனமாடியது.

குழந்தைகள் அனைவரும் சிறிது நேரத்தில் வீட்டுக்குப் புறப்பட்டு சென்றனர். சமீரும் பிரியாவும் அங்கு இருந்தனர். அப்போது அவளுக்கு வேறொரு உலகத்திற்குள் நுழைவது போல் இருந்தது. அது மாயாஜாலம் போல இருந்தது. மேடையில் ஸ்பாட்லைட்கள் போல பெரிய இலைகள் வழியாக சூரியக் கதிர்கள் வெளிப்பட்டன. இரண்டு கிளைகளுக்கு இடையில் கட்டப்பட்ட ஒரு சிலந்தி வலை இருந்தது. அதை பார்க்கும்போது வெறும் வலை அல்ல; அது ஒரு மந்திர வடிவத்தில் பின்னப்பட்ட ஒரு கலைப்படைப்பு. போல அவளுக்கு காட்சியளித்தது அப்போது ஒரு கிளையின் வழியாக எறும்புகளின் வரிசை அணிவகுத்துச் சென்றது.